యువహీరో నాగచైతన్య సినిమాల వేగం పెంచారు. ఆయన కథానాయకుడిగా నటిస్తున్న తాజా చిత్రం ‘థాంక్యూ’ జూలై 8న ప్రేక్షకుల ముందుకురానుంది. దీని తర్వాత వెంకట్ ప్రభు దర్శకత్వంలో తమిళ, తెలుగు భాషల్లో ఓ చిత్రాన్ని చేయబోతున్నారు. ఇదిలావుండగా పరశురామ్ దర్శకత్వంలో చైతూ ఓ సినిమాకు గ్రీన్సిగ్నల్ ఇచ్చిన విషయం తెలిసిందే. 14రీల్స్ సంస్థ ఈ చిత్రాన్ని నిర్మించనుంది. ఈ సినిమాకు ‘నాగేశ్వరరావు’ అనే టైటిల్ను ఖరారు చేసే ఆలోచనలో చిత్రబృందం ఉందని సమాచారం. ఇందులో నాగచైతన్య మధ్య తరగతి యువకుడిగా కనిపిస్తాడని, ఓ ప్రముఖ కంపెనీకి సీఈఓ అయిన కథానాయికతో నాగేశ్వరరావు ప్రేమాయణం ఎలా సాగిందన్నదే చిత్ర కథాంశమని అంటున్నారు. ప్రస్తుతం ఈ సినిమాకు సంబంధించిన స్క్రిప్ట్ పనులు తుదిదశకు చేరుకున్నాయి. రొమాంటిక్ ఫ్యామిలీ ఎంటర్టైనర్గా దర్శకుడు పరశురామ్ ఈ చిత్రాన్ని రూపొందించ బోతున్నారని తెలిసింది.