నాగ చైతన్య ‘కస్టడీ’

నాగ చైతన్య హీరోగా నటిస్తున్న 22వ చిత్రానికి ‘కస్టడీ’ టైటిల్‌ను ఖరారు చేశారు. ఈ చిత్రంలో కృతి శెట్టి నాయికగా నటిస్తున్నది.

నాగ చైతన్య హీరోగా నటిస్తున్న 22వ చిత్రానికి ‘కస్టడీ’ టైటిల్‌ను ఖరారు చేశారు. ఈ చిత్రంలో కృతి శెట్టి నాయికగా నటిస్తున్నది. శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి నిర్మిస్తున్నారు. తెలుగు, తమిళ ద్విభాషా చిత్రంగా దర్శకుడు వెంకట్‌ ప్రభు రూపొందిస్తున్నారు. టైటిల్‌ ప్రకటన సందర్భంగా కొత్త పోస్టర్‌ విడుదల చేశారు. ఇందులో నాగ చైతన్య పోలీస్‌ అధికారి శివ పాత్రలో కనిపిస్తున్నారు. పోలీస్‌ ఆఫీసర్‌ అయిన శివను పోలీసులే ఎందుకు అదుపులోకి తీసుకోవాల్సి వచ్చిందనేది పోస్టర్‌ ద్వారా ఆసక్తికరంగా చూపించారు. ప్రపంచంలో మార్పు చూడాలనుకుంటే..ముందు అది నీతోనే మొదలవ్వాలి అనే మహాత్మ గాంధీ సూక్తి పోస్టర్‌లో కనిపించింది. ఓ సరికొత్త పోలీస్‌ స్టోరిని ఈ చిత్రంలో తెరకెక్కిస్తున్నట్లు తెలుస్తున్నది. ప్రస్తుతం రెగ్యులర్‌ చిత్రీకరణలో ఉందీ సినిమా. సంపత్‌ రాజ్‌, శరత్‌ కుమార్‌, వెన్నెల కిషోర్‌ తదితరులు ఇతర పాత్రలు పోషిస్తున్న ఈ చిత్రానికి సినిమాటోగ్రఫీ : ఎస్‌ఆర్‌ కతీర్‌, సంగీతం : ఇళయరాజా, యువన్‌ శంకర్‌ రాజా.