Visit:
INCA Awards 2026 | ముంబయి నగరం గురువారం రాత్రి భారతీయ చలనచిత్ర పరిశ్రమకు చెందిన ప్రముఖులతో కళకళలాడింది. దేశంలోని అన్ని భాషల సినీ పరిశ్రమలను ఒకే గొడుగు కిందకు తీసుకువస్తూ అత్యంత ప్రతిష్టాత్మకంగా నిర్వహించిన ఇండియన్ నేషనల్ సినీ అకాడమీ (INCA) – 2026 అవార్డుల ప్రదానోత్సవం కన్నుల పండుగగా ముగిసింది. ఈ మెగా ఈవెంట్లో టాలీవుడ్ యంగ్ హీరో రానా దగ్గుబాటి, సీనియర్ నటి శ్రియ శరణ్తో పాటు బాలీవుడ్ స్టార్ ప్రొడ్యూసర్ కరణ్ జోహార్ వ్యాఖ్యాతలుగా వ్యవహరించి, తమ టాలెంట్తో వేడుకను మరింత ఉత్సాహంగా నడిపించారు.
ఇక తెలుగు సినీ పరిశ్రమకు ఈ వేడుకలో ప్రత్యేక గుర్తింపు లభించింది. ముఖ్యంగా ‘తండేల్’ చిత్రంలో తన అద్భుతమైన నటనతో మెప్పించిన అక్కినేని నాగచైతన్యను టాలీవుడ్ నుంచి ‘ఉత్తమ నటుడు’ పురస్కారం వరించింది. అలాగే ‘సంక్రాంతికి వస్తున్నాం’ చిత్రంతో బాక్సాఫీస్ వద్ద విజయం సాధించిన అనిల్ రావిపూడి ఉత్తమ దర్శకుడిగా అవార్డు అందుకోగా, అదే చిత్రంలో తనదైన శైలిలో నవ్వించిన మాస్టర్ రేవంత్ ఉత్తమ హాస్యనటుడిగా పురస్కారాన్ని దక్కించుకున్నారు.
