Manoj Bajpayee | నా సినిమా చూసి మా ఆవిడ అవమానంగా ఫీలైంది: నటుడు మనోజ్‌ బాజ్‌పాయ్

Manoj Bajpayee | బాలీవుడ్‌ నటుడు మనోజ్‌బాజ్‌పాయ్‌ గతంలో ఆయన భార్య షబానా చీవాట్లు పెట్టిన ఓ సందర్భాన్ని గుర్తుచేసుకున్నాడు. అప్పట్లో తాను నటించిన ఓ సినిమా చూసి ఆమె చాలా అవమానంగా ఫీలైందని, ముఖం చిన్నబుచ్చుకుందని చెప్పాడు.

న్యూఢిల్లీ: బాలీవుడ్‌ నటుడు మనోజ్‌బాజ్‌పాయ్‌ గతంలో ఆయన భార్య షబానా చీవాట్లు పెట్టిన ఓ సందర్భాన్ని గుర్తుచేసుకున్నాడు. అప్పట్లో తాను నటించిన ఓ సినిమా చూసి ఆమె చాలా అవమానంగా ఫీలైందని, ముఖం చిన్నబుచ్చుకుందని చెప్పాడు. ఆ సినిమా విషయంలో ఆమె తనకు సీరియస్‌ వార్నింగ్‌ కూడా ఇచ్చిందన్నాడు.

‘డబ్బుల కోసం సినిమాల్లో నటించడం మానేయండి. మీరు డబ్బుల కోసం అడ్డమైన సినిమాల్లో నటించాల్సినంత అధ్వాన్నపు పరిస్థితుల్లో మనం లేం. ఆ సినిమాలో మిమ్మల్ని చూసి నేను చాలా ఇబ్బంది పడ్డాను’ అని షబానా చీవాట్లు పెట్టిందని మనోజ్‌బాజ్‌పాయ్‌ వెల్లడించాడు. అప్పటి మందం తిట్టినప్పటికీ ఆ తర్వాత అది నాకు గొప్ప సలహాగా పని చేసిందని బాజ్‌పాయ్‌ తెలిపాడు.