GV Prakash Kumar | సర్జరీ పోస్ట్‌కు స్పందించి రూ.50 వేలు సాయం చేసిన జీవీ ప్రకాశ్.. ఆన్‌లైన్ విరాళాలపై నెటిజన్ల హెచ్చరిక!

GV Prakash Kumar | సోషల్ మీడియాలో ఓ వ్యక్తి సర్జరీ కోసం ఆర్థిక సహాయం కోరుతూ చేసిన పోస్ట్ వైరల్‌గా మారాగా దీనిపై స్పందించిన సంగీత ద‌ర్శ‌కుడు జీవీ ప్ర‌కాశ్ ఆర్థిక స‌హాయం అందించాడు.

GV Prakash Kumar | సోషల్ మీడియాలో ఓ వ్యక్తి సర్జరీ కోసం ఆర్థిక సహాయం కోరుతూ చేసిన పోస్ట్ వైరల్‌గా మారాగా దీనిపై స్పందించిన సంగీత ద‌ర్శ‌కుడు జీవీ ప్ర‌కాశ్ ఆర్థిక స‌హాయం అందించాడు.

12 గంటలకు పైగా సర్జరీ జరుగుతోంది.. పీఎస్‌జీ హాస్పిటల్‌లో ఐసీయూ ఖర్చులు చాలా ఎక్కువగా ఉన్నాయి.. లక్ష రూపాయలు అవసరం అంటూ మహా శ్రీనివాస్ పేరుతో విరాళాల కోసం విజ్ఞప్తి చేశాడు ఒక నెటిజ‌న్. అయితే ఈ పోస్ట్‌పై వెంట‌నే స్పందించిన ప్రముఖ సంగీత దర్శకుడు, నటుడు జీవీ ప్రకాశ్ కుమార్ రూ.50,000 ఆర్థిక సహాయం అందించారు. ఈ విషయాన్ని ఆయనే స్వయంగా తన ‘X’ ఖాతా ద్వారా వెల్లడిస్తూ.. “బెస్ట్ ఆఫ్ లక్.. నా వంతు చిన్న సహాయం. ఇది నిజమైనదే అని ఆశిస్తున్నా అని జీవీ ప్రకాశ్ ట్వీట్ చేశారు. ప్రస్తుతం ఈ పోస్ట్ నెట్టింట విస్తృతంగా షేర్ అవుతుండగా, నెటిజన్లు పెద్ద ఎత్తున స్పందిస్తూ విరాళాలు అందించేందుకు ముందుకు వస్తున్నారు. అయితే సోషల్ మీడియాలో వచ్చే ఇలాంటి ఆర్థిక సహాయ అభ్యర్థనలపై అప్రమత్తంగా ఉండాలని, పేషెంట్ వివరాలు, హాస్పిటల్ డాక్యుమెంట్లు పూర్తిగా ధృవీకరించుకున్న తర్వాతే సహాయం చేయాలని పలువురు సూచిస్తున్నారు.

Best of luck a small help from my side . Hope it’s authentic pic.twitter.com/9SYOjM2ohk

— G.V.Prakash Kumar (@gvprakash) June 16, 2026