Visit:
అడివి శేష్‌ నటిస్తున్న మోస్ట్‌ అవైటెడ్‌ యాక్షన్‌ అడ్వెంచర్‌ ‘డకాయిట్‌’. మృణాళ్‌ ఠాకూర్‌ ఇందులో కథానాయిక. ప్రేమ-ప్రతీకారం నేపథ్యంలో సాగే ఈ చిత్రం ద్వారా షానియల్‌ డియో దర్శకుడిగా పరిచయం అవుతున్నారు. సుప్రియా యార్లగడ్డ నిర్మాత. డిసెంబర్‌ 25న సినిమా విడుదలకానుంది. నేడు మృణాళ్‌ ఠాకూర్‌ పుట్టిన రోజు. ఈ సందర్భంగా ఇందులోని ఆమె పవర్‌ఫుల్‌ అండ్‌ ఎమోషనల్‌ అవతార్‌ని ప్రజెంట్‌ చేస్తూ ఓ ఇంటెన్స్‌ పోస్టర్‌ను మేకర్స్‌ విడుదల చేశారు.
చేతిలో గన్‌ పట్టుకొని ఎయిమ్‌ చేస్తున్న మృణాళ్‌ని ఈ పోస్టర్‌లో చూడొచ్చు. ఆమె కళ్లల్లో ఆక్రోశం, ముఖంపై చిన్న చిన్న గాయలు, కళ్లలో కన్నీళ్లు.. ఇవన్నీ ఆమె పాత్రలోని ఉద్వేగాన్ని తెలియజేస్తున్నాయి. ఇందులో జూలియట్‌ అనే పాత్రను మృణాళ్‌ పోషిస్తున్నారని, పగతో రగిలిపోతూ ఆమె పాత్ర ఉంటుందని, ప్రస్తుతం హైదరాబాద్‌లో లీడ్‌ యాక్టర్స్‌పై కీలక సన్నివేశాల్ని చిత్రీకరిస్తున్నామని మేకర్స్‌ తెలిపారు. ఈ చిత్రానికి సంగీతం: భీమ్స్‌ సిసిరోలియో, సహ నిర్మాత: సునీల్‌ నారంగ్‌, నిర్మాణం అన్నపూర్ణ స్టూడియోస్‌.
