విభిన్న కాన్సెప్ట్‌తో ‘మిస్టర్‌ సెలబ్రిటీ’

ప్రముఖ రచయిత పరుచూరి వెంకటేశ్వరరావు మనవడు సుదర్శన్‌ పరుచూరి హీరోగా పరిచయమవుతున్న చిత్రం ‘సెలబ్రిటీ’. చందిన రవికిషోర్‌ దర్శకుడు. ఆర్‌పీ సినిమాస్‌ పతాకంపై చిన్న రెడ్డయ్య, ఎన్‌.పాండురంగా రావు నిర్మాతలు. అక్టోబర్‌ 4న విడుదలకానుంది. గురువారం ఈ సినిమా రిలీజ్‌ డేట్‌ పోస్టర్‌ను పరుచూరి గోపాలకృష్ణ విడుదల చేశారు.

ప్రముఖ రచయిత పరుచూరి వెంకటేశ్వరరావు మనవడు సుదర్శన్‌ పరుచూరి హీరోగా పరిచయమవుతున్న చిత్రం ‘సెలబ్రిటీ’. చందిన రవికిషోర్‌ దర్శకుడు. ఆర్‌పీ సినిమాస్‌ పతాకంపై చిన్న రెడ్డయ్య, ఎన్‌.పాండురంగా రావు నిర్మాతలు. అక్టోబర్‌ 4న విడుదలకానుంది. గురువారం ఈ సినిమా రిలీజ్‌ డేట్‌ పోస్టర్‌ను పరుచూరి గోపాలకృష్ణ విడుదల చేశారు. ఈ సందర్భంగా మాట్లాడిన ఆయన.. మంచి కాన్సెప్ట్‌తో రూపొందిన ఈ చిత్రాన్ని ప్రేక్షకులు ఆదరించాలని కోరారు. పరుచూరి వెంకటేశ్వర రావు మాట్లాడుతూ ‘రచయితలుగా ప్రేక్షకులు మమ్మల్ని నలభై ఏండ్లుగా ఆదరిస్తున్నారు. ఇప్పుడు హీరోగా పరిచయమవుతున్న మా మనవడిని కూడా ఆశీర్వదించాలని కోరుకుంటున్నా. నేటి యువత మెచ్చే కొత్త కథతో ఈ సినిమాను తెరకెక్కించారు’ అని చెప్పారు. వరలక్ష్మీ శరత్‌కుమార్‌, సుదర్శన్‌ పరుచూరి, శ్రీదీక్ష, నాజర్‌, రఘుబాబు తదితరులు నటిస్తున్న ఈ చిత్రానికి సంగీతం: వినోద్‌ యాజమాన్య, రచన-దర్శకత్వం: చందిన రవికిషోర్‌.