Mohanlal | మోహ‌న్ లాల్‌కి జెర్సీ గిఫ్ట్‌గా ఇచ్చిన ఫుట్‌బాల్ స్టార్ లియోన‌ల్ మెస్సీ

మ‌ల‌యాళం సూప‌ర్ స్టార్ మోహన్‌లాల్‌కు ఫుట్‌బాల్ దిగ్గజం లియోనల్ మెస్సీ సంతకం చేసిన జెర్సీని బహుమతిగా ఇచ్చారు.

Mohanlal – Lionel Messi | మ‌ల‌యాళం సూప‌ర్ స్టార్ మోహన్‌లాల్‌కు ఫుట్‌బాల్ దిగ్గజం లియోనల్ మెస్సీ సంతకం చేసిన జెర్సీని బహుమతిగా ఇచ్చారు. మోహన్‌లాల్ ఈ ప్రత్యేకమైన బహుమతిని అందుకున్నందుకు తన ఆనందాన్ని సోషల్ మీడియాలో పంచుకున్నారు.

“జీవితంలోని కొన్ని క్షణాలు మాటల్లో వర్ణించలేనివి. అవి ఎప్పటికీ మీతోనే ఉంటాయి. ఈ రోజు, అలాంటి ఒక క్షణం నేను అనుభవించాను. ఈ బహుమతిని నేను నెమ్మదిగా విప్పుతున్నప్పుడు, నా గుండె వేగంగా కొట్టుకుంది. – ఫుట్‌బాల్ దిగ్గజం లియోనల్ మెస్సీ స్వయంగా సంతకం చేసిన జెర్సీ. దానిపై నా పేరు అతని చేతితో రాయబడి ఉంది. మెస్సీని అతని ఆటతీరుకే కాకుండా, అతని నిరాడంబరత, వినయానికి కూడా అభిమానించే నాకు ఇది నిజంగా ప్రత్యేకమైనది. నా ప్రియమైన స్నేహితులు డాక్టర్ రాజీవ్ మంగోట్టిల్, రాజేష్ ఫిలిప్ సాయం లేకుండా ఈ అద్భుతమైన క్షణం సాధ్యమయ్యేది కాదు. ఈ విష‌యంలో వారికి నా హృదయపూర్వక ధన్యవాదాలు. అన్నింటికీ మించి, ఈ మరపురాని బహుమతికి దేవుడికి ధన్యవాదాలు,” అని మోహన్‌లాల్ తన పోస్ట్‌లో పేర్కొన్నారు.

ఈ జెర్సీని మోహన్‌లాల్‌కు అతని స్నేహితులు సత్యన్ అంతికాడ్ దర్శకత్వం వహిస్తున్న ‘హృదయపూర్వం’ సినిమా సెట్‌లో అందజేశారు. ఈ ఊహించని బహుమతి మోహన్‌లాల్‌తో పాటు సత్యన్ అంతికాడ్‌ను కూడా ఆశ్చర్యపరిచింది. అభిమానులు, సహచర నటీనటులు మరియు శ్రేయోభిలాషులు మోహన్‌లాల్ పోస్ట్‌పై అభినందనలు తెలుపుతున్నారు. కాగా ప్ర‌స్తుతం ఇందుకు సంబంధించిన వీడియో వైర‌ల్‌గా మారింది.

Some moments in life feel too profound for words. They stay with you forever.

Today, I experienced one of those moments. As I gently unwrapped the gift, my heart skipped a beat—a jersey signed by the legend himself, Lionel Messi. And there it was… my name, written in his own… pic.twitter.com/V1HXjDjH89

— Mohanlal (@Mohanlal) April 20, 2025