Visit:
SS Thaman | శుక్ర‌వారం జ‌రిగిన బాల‌కృష్ణ డాకు మ‌హ‌రాజ్ స‌క్సెస్ ఈవెంట్‌లో సంగీత ద‌ర్శ‌కుడు ఎస్ ఎస్ థ‌మ‌న్ తెలుగు సినిమా గురించి మాట్లాడుతూ.. ఎమోష‌న‌ల్ అయ్యాడు. విజ‌యం అనేది ఎంత డ‌బ్బు పెట్టిన దొర‌క‌దు. అది వ‌చ్చిన‌ప్పుడు ఇచ్చే ఎనర్జీ వేరు. మనం లైఫ్‌లో చాలా ముందుకు పోవ‌డానికి స‌క్సెస్ చాలా ఉపయోగ‌ప‌డుతుంది. స‌క్సెస్ లేక‌పోతే నేను ఫిలిం న‌గ‌ర్‌కి కూడా వెళ్లేవాడిని కాదు. అయితే ఒక స‌క్సెస్ వ‌చ్చింద‌ని చెప్ప‌డానికి కూడా ఇప్పుడు నిర్మాత‌ల‌కు చెప్ప‌బుద్ది కావ‌డం లేదు. అలా చేబితే అత‌డిపై నెగిటివ్‌గా ట్రోల్ చేయ‌డం.. నెగిటివ్‌గా ట్రెండ్ చేయ‌డం జ‌రుగుతుంది. మీరు చేసే నెగిటివ్ ట్రోల్స్ చేయ‌డం వ‌ల‌న నిర్మాత‌ల జీవితాలు ఎఫెక్ట్ ప‌డుతున్నాయి.
నేను ఎందుకు చెబుతున్నాను అంటే ఈరోజు ప్ర‌పంచం మొత్తం తెలుగు సినిమాను చాలా గ‌ర్వంగా చూస్తుంది. తెలుగు సినిమా ఇప్పుడు ఒక వెలుగు వెలుగుతుంది. ఇప్పుడు ఏ సినిమా ఇండ‌స్ట్రీకి వెళ్లిన తెలుగులో ఒక సినిమా చేయాలి అని అడుగుతున్నారు. మ‌న‌మే మన సినిమాని చంపేసుకుంటుంటే ఏం బ్ర‌తుకు బ్ర‌తుకుతున్నాం అనేది అర్థం కావాట్లేదు. విప‌రీత‌మైన ట్రోల్స్ వ‌ల‌న బాధగా ఉంది. ఒక స‌క్సెస్‌ని నిజంగా చెప్పుకోలేక‌పోతున్నాం. ఇది ఎంత దుర‌దృష్ట‌కరం. మీరు ప‌ర్స‌న‌ల్‌గా కొట్టుకొండి కానీ సినిమాను చంపేయ‌కండి. నేను అదే వేడుకుంటున్నాను అంటూ థ‌మ‌న్ చెప్పుకోచ్చాడు.
అయితే ఈ వ్యాఖ్య‌ల‌పై మెగాస్టార్ చిరంజీవి ఎక్స్ వేదిక‌గా స్పందిస్తూ.. డియ‌ర్ థ‌మ‌న్ నిన్న నువ్వు మాట్లాడిన మాటలు హృదయాల్ని తాకేలా ఉన్నాయి. ఎప్పుడూ సరదాగా మాట్లాడుతూ వుండే నీలో ఇంత ఆవేదన వుండడం నాకు ఒకింత ఆశ్చర్యంగా కూడా అనిపించింది. కానీ మనసు ఎంత కలత చెందితే నువ్వింతగా స్పందించావో అని అనిపించింది. విషయం సినిమా అయినా క్రికెట్ అయినా మరో సామజిక సమస్య అయినా సోషల్ మీడియా వాడుతున్న ప్రతి ఒక్కరు తమ మాటల తాలూకు ప్రభావం ఆ వ్యక్తుల మీద ఎలా వుంటుందని ఆలోచించాలి. ఎవరో అన్నట్టు మాటలు ఫ్రీనే, Words can inspire. And Words can destroy. Choose what you wish to do(మాటలు స్ఫూర్తినిస్తాయి. మ‌ళ్లీ అవే పదాలు మాటలు నాశనం చేయగలవు. మీరు ఏమి చేయాలనుకుంటున్నారో ఎంచుకోండి.) మనం పాజిటివ్ గా వుంటే ఆ ఎనర్జీ మన జీవితాలని కూడా అంతే పాజిటివ్ గా ముందుకు నడిపిస్తుంది. గాడ్ బ్లెస్ యూ థ‌మ‌న్ అంటూ చిరు రాసుకోచ్చాడు.
Dear @MusicThaman
నిన్న నువ్వు మాట్లాడిన మాటలు హృదయాల్ని తాకేలా ఉన్నాయి. ఎప్పుడూ సరదాగా మాట్లాడుతూ వుండే నీలో ఇంత ఆవేదన వుండడం నాకు ఒకింత ఆశ్చర్యంగా కూడా అనిపించింది. కానీ మనసు ఎంత కలత చెందితే నువ్వింతగా స్పందించావో అని అనిపించింది.విషయం సినిమా అయినా క్రికెట్ అయినా
మరో…— Chiranjeevi Konidela (@KChiruTweets) January 18, 2025
