Test | స్టార్ హీరో మాధవన్, సిద్దార్థ్, లేడీ సూపర్ స్టార్ నయనతార కాంబినేషన్లో పాన్ ఇండియా సినిమా వస్తున్న విషయం తెలిసిందే. స్పోర్ట్స్ డ్రామా నేపథ్యంలో తెరకెక్కుతున్న ఈ చిత్రానికి టెస్ట్ (Test) అనే టైటిల్ ఫిక్స్ చేశారు. ఈ ప్రాజెక్ట్ మరోసారి వార్తల్లో నిలిచింది. టెస్ట్ చిత్రంలో అందాల తార మీరా జాస్మిన్ (Meera Jasmine) కీలక పాత్రలో నటిస్తుందని తెలియజేస్తూ.. సోషల్ మీడియా ద్వారా అప్డేట్ అందించారు మేకర్స్.
అయితే మీరా జాస్మిన్ పోషించే పాత్ర ఏంటనేది మాత్రం సస్పెన్స్ లో పెట్టారు. టెస్ట్ చిత్రాన్ని ఎస్ శశికాంత్ డైరెక్ట్ చేస్తున్నాడు. వై నాట్ స్టూడియోస్ సమర్పణలో చక్రవర్తి రామచంద్ర, ఎస్ శశికాంత్ సంయుక్తంగా తెరకెక్కిస్తున్నారు. ఈ సినిమాతో పాపులర్ సింగర్ శక్తి శ్రీ గోపాల్ మ్యూజిక్ డైరెక్టర్గా మారుతుండటం విశేషం. పలు ప్రధాన భారతీయ భాషల్లో టెస్ట్ విడుదల కానుంది.
తెలుగులో చివరిసారిగా మోక్ష సినిమాలో నటించింది మీరా జాస్మిన్. మీరాజాస్మిన్ మరోవైపు ఇటీవలే కొత్త సినిమా లాంఛ్ చేసిన విషయం తెలిసిందే. ఈ భామ టైటిల్ రోల్ చేస్తున్న మలయాళ ప్రాజెక్ట్ క్వీన్ ఎలిజబెత్ (Queen Elizabeth). ఈ చిత్రానికి ఎం పద్మాకర్ దర్శకత్వం వహిస్తుండగా.. రంజిత్ మనంబరక్కత్, శ్రీరామ్ మనంబరక్కత్ సంయుక్తంగా తెరకెక్కిస్తున్నారు. Narein లీడ్ రోల్లో నటిస్తున్నాడు.
New Addition to #Test
Stars Maddy, Siddharth, Nayantara. pic.twitter.com/gSnXd9xTus
— Christopher Kanagaraj (@Chrissuccess) May 9, 2023