Visit:
Manchu Manoj | గాడ్ ఆఫ్ మాసెస్ నందమూరి బాలకృష్ణ హీరోగా, మాస్ డైరెక్టర్ గోపీచంద్ మలినేని దర్శకత్వంలో తెరకెక్కుతున్న మోస్ట్ అవైటెడ్ మూవీ ‘దాదా’ పై ఇప్పటికే భారీ అంచనాలు నెలకొన్నాయి. బాలయ్య, గోపీచంద్ మలినేని కాంబినేషన్లో గతంలో వచ్చిన ‘వీరసింహారెడ్డి’ సూపర్ హిట్ కావడంతో.. వీరిద్దరి కలయికలో వస్తున్న ఈ రెండో సినిమాపై అభిమానుల్లో మరింత హైప్ క్రియేట్ అయింది. ఇప్పటికే విడుదలైన ‘దాదా’ టైటిల్ గ్లింప్స్ బాలయ్య అభిమానులను విపరీతంగా ఆకట్టుకుంది. ఇందులో బాలకృష్ణను ‘కింగ్ ఆఫ్ ఖయాస్’ అంటూ రిట్రో మాస్ అవతార్లో చూపించిన తీరు సినిమాపై అంచనాలను మరింత పెంచింది. అయితే ఇప్పుడు ఈ చిత్రానికి సంబంధించిన మరో ఆసక్తికరమైన అప్డేట్ సినీ వర్గాల్లో హాట్ టాపిక్గా మారింది.
‘దాదా’ సినిమాలో మంచు మనోజ్ కీలకమైన పాత్రలో నటిస్తున్న విషయం తెలిసిందే. అయితే తాజాగా మేకర్స్ వెల్లడించిన వివరాల ప్రకారం.. ఆయన నెగెటివ్ షేడ్స్ ఉన్న అత్యంత పవర్ఫుల్ పాత్రలో కనిపించనున్నట్లు తెలుస్తోంది. ముఖ్యంగా బాలకృష్ణకు ప్రత్యర్థిగా మనోజ్ క్రూరమైన పోలీస్ ఆఫీసర్ పాత్రలో కనిపించనున్నారనే సమాచారం సినిమాపై ఆసక్తిని మరింత పెంచుతోంది. ఇప్పటికే ‘మిరాయ్’లో నెగెటివ్ షేడ్స్ పాత్రలో మెప్పించిన మంచు మనోజ్.. ఇప్పుడు మరోసారి విలన్ అవతారంలో ప్రేక్షకులను ఆకట్టుకోబోతుండటం విశేషంగా మారింది. దర్శకుడు గోపీచంద్ మలినేని తెలిపిన వివరాల ప్రకారం.. ‘దాదా’లో మంచు మనోజ్ను ఇప్పటివరకు ప్రేక్షకులు చూడని సరికొత్త లుక్లో చూపించబోతున్నట్లు తెలుస్తోంది. ఆయన పాత్రలో క్రూరత్వం, పవర్, ఇంటెన్స్నెస్ ఉండేలా క్యారెక్టరైజేషన్ను డిజైన్ చేసినట్లు టాక్.
బాలకృష్ణ సినిమాల్లో విలన్ పాత్రలకు ఎప్పుడూ ప్రత్యేకమైన ప్రాధాన్యత ఉంటుంది. హీరోతో ఢీకొనే పాత్ర బలంగా ఉంటేనే మాస్ యాక్షన్ మరింత ఆసక్తికరంగా మారుతుంది. ఈ నేపథ్యంలో మనోజ్ పాత్రను కూడా చాలా పవర్ఫుల్గా తీర్చిదిద్దినట్లు తెలుస్తోంది. బాలకృష్ణలాంటి మాస్ హీరోకు ఎదురుగా మంచు మనోజ్ లాంటి నటుడు విలన్గా కనిపించనుండటంతో.. వీరిద్దరి మధ్య వచ్చే యాక్షన్ సన్నివేశాలపై భారీ అంచనాలు నెలకొన్నాయి. ముఖ్యంగా బాలయ్య-మనోజ్ మధ్య ఉండే సన్నివేశాలు సినిమాకు ప్రధాన హైలైట్గా నిలిచే అవకాశం ఉందని అభిమానులు భావిస్తున్నారు. ఇప్పటివరకు హీరోగా, విభిన్న పాత్రల్లో కనిపించిన మనోజ్.. ఈసారి పూర్తి స్థాయిలో నెగెటివ్ షేడ్స్ ఉన్న పాత్రలో ఎంతవరకు మెప్పిస్తారనేది ఆసక్తికరంగా మారింది. ఆయన లుక్, బాడీ లాంగ్వేజ్, పెర్ఫార్మెన్స్ సినిమాకు అదనపు బలంగా నిలుస్తాయని చిత్రబృందం నమ్మకంగా ఉంది.
