Visit:
వరుస సక్సెస్లతో దూసుకుపోతున్నది మలయాళ మందారం మమితాబైజు. ఇటీవలే ‘విశ్వనాథ్ అండ్ సన్స్’తో తెలుగు, తమిళ ప్రేక్షకులను అలరించిన ఈ అందాలభామ.. రీసెంట్గా ‘బెత్లేహెమ్ కుటుంబ యూనిట్’ చిత్రం ద్వారా మలయాళంలోనూ భారీ విజయాన్ని తన ఖాతాలో వేసుకున్నది. ఈ రెండు విజయాలూ ఏజ్ గ్యాప్ లవ్స్టోరీలే కావడం విశేషం.
దీనిపై మమితా మాటాడుతూ ‘రెండూ ఏజ్ గ్యాప్ లవ్స్టోరీలే అయినా.. భావోద్వేగాల్లో చాలా తేడా ఉన్నది. ‘విశ్వనాథ్ అండ్ సన్స్’లో మ్యాడీకీ, ‘బెత్లేహెమ్ కుటుంబ యూనిట్’లో నేను పోషించిన ఆష్లే పాత్రకు అస్సలు సంబంధం లేదు. ఇద్దరూ ఉత్తరదక్షిణ ధృవాలు. మ్యాడీ ధృఢ సంకల్పం గల అమ్మాయి. ఆష్లేది బలహీనమైన వ్యక్తిత్వం. తనకంటే పదేళ్లు పెద్దవాడైన జస్టిన్(నివిన్ పౌలీ)ని ప్రేమించి, సమాజపు మాటల వల్ల అతనికి దూరమవుతుంది. ఇలాంటి విభిన్న పాత్రలతో విజయాలు దక్కడం అదృష్టంగా భావిస్తున్నా’ అంటూ చెప్పుకొచ్చింది మమితాబైజు.
