NBK 107 | బాల‌కృష్ణ సినిమాలో మ‌ల‌యాళ బ్యూటీ?

Balakrishna | ‘అఖండ’ విజ‌యంతో ఫుల్ జోష్‌లో ఉన్నాడు నంద‌మూరి బాల‌కృష్ణ‌. అదే జోష్‌తో త‌న త‌దుపరి సినిమా షూటింగ్‌ను వేగంగా పూర్తి చేస్తున్నాడు. ప్ర‌స్తుతం ఈయ‌న హీరోగా గోపిచంద్ మ‌లినేని ద‌ర్శ‌క‌త్వంలో ఓ సినిమా చేస్తున్నాడు. ‘క్రాక్’ వంటి బ్లాక్ బ‌స్ట‌ర్ త‌ర్వాత గోపిచంద్ మ‌లినేని, బాల‌కృష్ణ‌తో సినిమా చేయ‌నుండటంతో ప్రేక్ష‌కుల‌లో భారీ అంచ‌నాలు నెల‌కొన్నాయి. ఇక ఇటీవ‌లే విడుద‌లైన బాలయ్య ఫ‌స్ట్‌లుక్ పోస్ట‌ర్ విశేషంగా ఆక‌ట్టుకుంది. ఈ చిత్రం నుంచి త‌ర‌చూ ఒక అప్‌డేట్ బ‌య‌ట‌కు వ‌స్తూనే ఉంది. ఈ క్ర‌మంలో మ‌రో ఇంట్రెస్టింగ్ అప్‌డేట్ సోష‌ల్ మీడియాలో చ‌క్క‌ర్లు కొడుతుంది.

ఈ చిత్రంలో బాల‌కృష్ణ‌కు జోడిగా మ‌ల‌యాళ న‌టి హ‌నీరోజ్ న‌టించ‌నున్న‌ట్లు స‌మాచారం. ‘ఆల‌యం’, ‘ఈ వ‌ర్షం సాక్షిగా’ వంటి సినిమాల‌తో తెలుగులోనూ మెరిసిన ఈ తార బాల‌య్య 107వ సినిమాలో రెండ‌వ హీరోయిన్‌గా న‌టించ‌నున్న‌ట్లు టాక్‌. దీనిపై త్వ‌ర‌లోనే అధికారికంగా ప్ర‌క‌ట‌న వ‌చ్చే అవ‌కాశం ఉంది. ఈ చిత్రానికి ‘అన్న‌గారు’ అనే టైటిల్‌ను పరిశీల‌న‌లో ఉంచిన‌ట్లు తెలుస్తుంది. మైత్రీ సంస్థ నిర్మిస్తున్న ఈ చిత్రంలో బాల‌య్య డ్యూయ‌ల్ రోల్‌లో న‌టిస్తున్నాడు. శృతి హాస‌న్ హీరోయిన్‌గా న‌టిస్తున్న ఈ సినిమాలో క‌న్న‌డ యాక్ట‌ర్ దునియా విజ‌య్ ప్ర‌తినాయ‌కుడి పాత్ర‌లో న‌టిస్తున్నాడు.