Harish Pengan | కాలేయ వ్యాధితో ప్ర‌ముఖ న‌టుడు క‌న్నుమూత
ప్ర‌ముఖ మ‌ళ‌యాళ న‌టుడు హ‌రీష్ పెంగ‌న్ (49) (Harish Pengan) కాలేయ స‌మ‌స్య‌ల‌తో బాధ‌ప‌డుతూ మంగ‌ళ‌వారం తుదిశ్వాస విడిచారు. క‌డుపు నొప్పితో బాధ‌ప‌డుతుండ‌టంతో పెంగ‌న్‌ను ఈనెల ఆరంభంలో ఆస్ప‌త్రిలో చేర్పించారు.
తిరువ‌నంత‌పురం : ప్ర‌ముఖ మ‌ళ‌యాళ న‌టుడు హ‌రీష్ పెంగ‌న్ (49) (Harish Pengan) కాలేయ స‌మ‌స్య‌ల‌తో బాధ‌ప‌డుతూ మంగ‌ళ‌వారం తుదిశ్వాస విడిచారు. క‌డుపు నొప్పితో బాధ‌ప‌డుతుండ‌టంతో పెంగ‌న్‌ను ఈనెల ఆరంభంలో ఆస్ప‌త్రిలో చేర్పించారు. వైద్య ప‌రీక్ష‌లు నిర్వ‌హించిన అనంత‌రం ఆయ‌న‌కు కాలేయ మార్పిడి అవ‌స‌ర‌మ‌ని వైద్యులు తెలిపారు.
పెంగ‌న్ సోద‌రి అవ‌య‌వ దానం చేసేందుకు ముందుకు వ‌చ్చినా శ‌స్త్ర చికిత్స‌కు అవ‌స‌ర‌మైన రూ .30 ల‌క్ష‌లు స‌మ‌కూర్చుకోలేక‌పోయారు. న‌టుడి స్నేహితులు నిధులు స‌మీక‌రించేందుకు ప్ర‌య‌త్నాలు చేయ‌గా ఈలోగా పెంగ‌న్ ఆరోగ్య ప‌రిస్ధితి విష‌మించ‌డంతో మ‌ధ్యాహ్నం 3.25 గంట‌ల‌కు తుదిశ్వాస విడిచారు.
మ‌హెషింటే ప్ర‌తీకారం, హ‌నీ బీ 2.5, వెల్లారిప‌ట్ట‌ణం, జానే మ‌న్‌, జ‌య జ‌య జ‌య జ‌య హే, జో అండ్ జో, మిన్న‌ల్ ముర‌ళి వంటి సినిమాల్లో పెంగ‌న్ న‌ట‌న ప్రేక్ష‌కుల‌ను విశేషంగా ఆక‌ట్టుకుంది. న‌టుడి అంత్య‌క్రియ‌ల‌ను బుధ‌వారం నిర్వ‌హిస్తామ‌ని ఆయ‌న కుటుంబ స‌భ్యులు తెలిపారు.
Read More
Buddy First Glimpse | టెడ్డీని టార్గెట్‌ చేసిన రౌడీ గ్యాంగ్.. అల్లు శిరీష్ బడ్డీ ఫస్ట్‌ గ్లింప్స్‌
Read Today's Latest Cinema News in Telugu and Telugu News
- Follow Us :
-
