న్యూఢిల్లీ : మళయాళ నటి మాళవిక శ్రీనాధ్ తనకు ఎదురైన కాస్టింగ్ కౌచ్ (casting couch )అనుభవాలను వెల్లడించింది. మూడేండ్ల కిందట మంజు వారియర్ కూతురుగా నటించేందుకు తనను ఆడిషన్కు పిలిచారని, ఆడిషన్ ముగిసిన తర్వాత వీడియోను రికార్డు చేసిన వ్యక్తి తనను వెనుకనుంచి అసభ్యంగా తాకాడని ఆమె ఆరోపించారు.
తన తల్లి, సోదరి బయట వేచిచూస్తుండగా తనను పది నిమిషాల పాటు రూంలోపల వేచిఉండాలని కోరాడని మాళవిక శ్రీనాధ్ పేర్కొన్నారు. మళయాళం టెలివిజన్ ఛానెల్కు ఇచ్చిన ఇంటర్వ్యూలో మాళవిక శ్రీనాధ్ సంచలన ఆరోపణలు చేశారు. త్రిసూర్లో జరిగిన ఈ ఆడిషన్స్కు తల్లి, సోదరితో కలిసి వెళ్లానని ఆమె గుర్తుచేసుకున్నారు. తన జుట్టు సరిగా లేదని, డ్రెస్సింగ్ రూంలోకి వెళ్లి సరిచేసుకోవాలని అతడు చెప్పగా తాను రూంలోకి వెళ్లానని, ఆపై అతడు వెనుకనుంచి తనను పట్టుకున్నాడని ఆరోపించారు.
అతడు చాలా పొడవుగా, లావుగా ఉన్నాడని ఆమె చెప్పుకొచ్చారు. అతడి ప్రవర్తనతో తాను వణికిపోయానని, నువ్వు సర్దుకుపోతే నువ్వు స్క్రీన్పై మంజు వారియర్ కూతురులా కనిపిస్తావని అతడు మభ్యపెట్టాడని తెలిపింది. ఎలాగోలా అతడి చెర నుంచి తప్పించుకుని బయటపడ్డానని ఆమె గుర్తుచేసుకున్నారు. మాళవిక శ్రీనాధ్ మధురం, శాటర్డేనైట్ వంటి మళయాళం సినిమాల్లో నటించారు.