Soorarai Pottru Remake | హిందీ రీమేక్‌పై పుకార్లు..నిర్మాణ సంస్థ క్లారిటీ..!

ఓటీటీలో ప్రేక్ష‌కుల ముందుకొచ్చిన చిత్రం (Soorarai Pottru) సూరారై పోట్రు (ఆకాశం నీ హ‌ద్దురా) విమ‌ర్శ‌కుల ప్ర‌శంస‌లు అందుకుంది. ప్ర‌స్తుతం సుధాకొంగ‌ర‌ ఈ చిత్రాన్నిబాలీవుడ్ స్టార్ హీరో అక్ష‌య్ కుమార్ (Akshay Kumar)తో హిందీలో రీమేక్ చేస్తున్న సంగ‌తి తెలిసిందే.

కోలీవుడ్ స్టార్ లేడీ డైరెక్ట‌ర్ సుధా కొంగ‌ర (Sudha Kongara)-సూర్య కాంబినేష‌న్లో వ‌చ్చిన చిత్రం (Soorarai Pottru) సూరారై పోట్రు (ఆకాశం నీ హ‌ద్దురా). ఓటీటీలో ప్రేక్ష‌కుల ముందుకొచ్చిన ఈ చిత్రం విమ‌ర్శ‌కుల ప్ర‌శంస‌లు అందుకుంది. ఈ చిత్రం వివిధ విభాగాల్లో 5 నేష‌న‌ల్ అవార్డులు అందుకుంది. ప్ర‌స్తుతం సుధాకొంగ‌ర‌ ఈ చిత్రాన్నిబాలీవుడ్ స్టార్ హీరో అక్ష‌య్ కుమార్ (Akshay Kumar)తో హిందీలో రీమేక్ చేస్తున్న సంగ‌తి తెలిసిందే.

అయితే ఈ చిత్రం థియేట‌ర్ల‌లో కాకుండా డైరెక్టుగా ఓటీటీలో విడుద‌లవుతుంద‌ని వార్త‌లు ఊపందుకున్నాయి. ఈ గాసిప్స్‌పై అబండెన్షియా ఎంట‌ర్‌టైన్‌మెంట్స్ టీం కొట్టి పారేసింది. సినిమా ప్రొడ‌క్ష‌న్ ద‌శ‌లో ఉంద‌ని, థియేట‌ర్ల‌లో మాత్ర‌మే విడుద‌ల‌వుతుంద‌ని క్లారిటీ ఇచ్చింది. హిందీ వెర్ష‌న్‌లో సూర్య గెస్ట్ రోల్‌లో క‌నిపించ‌నున్నాడ‌ట‌.

అంతేకాదు ఈ చిత్రానికి హోం బ్యాన‌ర్ 2డీ ఎంట‌ర్‌టైన్‌మెంట్స్ పై కో ప్రొడ్యూస‌ర్‌గా వ్య‌వ‌హరించనున్నాడు. అప‌ర్ణ‌బాల‌ముర‌ళి పోషించిన పాత్ర‌ను రాధికా మ‌ధ‌న్ పోషించ‌నున్న‌ట్టు బీటౌన్ స‌ర్కిల్ స‌మాచారం. జీవీ ప్ర‌కాశ్ కుమార్ మ్యూజిక్ డైరెక్ట‌ర్. మ‌రి హిందీలో ఎన్ని అవార్డులు గెలుచుకుంటుందో చూడాలి.