M4M | గోవా ఇంటర్నేషనల్‌ ఫిలిం ఫెస్టివల్‌లో ఎమ్‌4ఎమ్‌ ట్రైలర్‌..

జోశర్మ, సంబీత్‌ ఆచార్య ప్రధాన పాత్రల్లో నటించిన మర్డర్‌ మిస్టరీ థ్రిల్లర్‌ ‘ఎమ్‌4ఎమ్‌' (మూటీవ్‌ ఫర్‌ మర్డర్‌). స్వీయ దర్శక నిర్మాణంలో మోహన్‌ వడ్లపట్ల తెరకెక్కించారు.

M4M | జోశర్మ, సంబీత్‌ ఆచార్య ప్రధాన పాత్రల్లో నటించిన మర్డర్‌ మిస్టరీ థ్రిల్లర్‌ ‘ఎమ్‌4ఎమ్‌’ (మూటీవ్‌ ఫర్‌ మర్డర్‌). స్వీయ దర్శక నిర్మాణంలో మోహన్‌ వడ్లపట్ల తెరకెక్కించారు. త్వరలో ఐదు భాషల్లో వరల్డ్‌వైడ్‌గా రిలీజ్‌ చేయబోతున్నారు. ఈ చిత్ర హిందీ ట్రైలర్‌ను గోవా ఇంటర్నేషనల్‌ ఫిలిం ఫెస్టివల్‌లో ఈ నెల 23న ఆవిష్కరించనున్నారు ఈ సందర్భంగా దర్శకనిర్మాత మోహన్‌ వడ్లపట్ల మాట్లాడుతూ ‘యూనివర్సల్‌ కాన్సెప్ట్‌ ఇది. హత్య వెనక కారణాలేమిటనే అంశం ప్రేక్షకులను ఆద్యంతం ఉత్కంఠకు గురిచేస్తుంది.

ఈ సస్పెన్స్‌ థ్రిల్లర్‌లో మునుపెన్నడూ చూడని సైకో పాత్రను చూడబోతున్నారు. సాంకేతికంగా కూడా ఉన్నత ప్రమాణాలతో తెరకెక్కించాం’ అన్నారు. శుభలేఖ సుధాకర్‌, సత్యకృష్ణ తదితరులు నటించిన ఈ చిత్రానికి కెమెరా: సంతోష్‌ షానమోని, సంగీతం: వసంత్‌ ఇసాయిపట్టై, సంభాషణలు: శ్రీచక్ర మల్లికార్జున, నిర్మాణం, దర్శకత్వం: మోహన్‌ వడ్లపట్ల.