Lucifer-2 Movie | జెట్‌ స్పీడ్‌లో లూసీఫర్‌-2 షూటింగ్‌.. అప్పుడే ఫస్ట్‌ షెడ్యూల్‌ కంప్లీట్ చేసుకుంది..!

Lucifer 2 Empuraan | మలయాళీ సూపర్ స్టార్ మోహ‌న్ లాల్ (Mohan Lal), మంజు వారియ‌ర్ (Manju Warrier), వివేక్ ఒబెరాయ్ (Vivek Oberai), టోవినో థామస్(Tovino Thomas), ప్రధాన పాత్రల్లో వ‌చ్చిన చిత్రం లుసిఫ‌ర్ (Lucifer).

Lucifer 2 Empuraan | మలయాళీ సూపర్ స్టార్ మోహ‌న్ లాల్ (Mohan Lal), మంజు వారియ‌ర్ (Manju Warrier), వివేక్ ఒబెరాయ్ (Vivek Oberai), టోవినో థామస్(Tovino Thomas), ప్రధాన పాత్రల్లో వ‌చ్చిన చిత్రం లుసిఫ‌ర్ (Lucifer). ఈ సినిమాకు మలయాళీ న‌టుడు పృథ్వీరాజ్ సుకుమారన్ (Prithviraj Sukumaran) ద‌ర్శ‌క‌త్వం వ‌హించాడు. పొలిటికల్ డ్రామాగా తెరకెక్కిన ఈ చిత్రం 2019 కేర‌ళ‌లో బిగ్గెస్టు బ్లాక్ బస్టర్‌గా నిలిచింది. ఇక ఇదే సినిమాను మెగాస్టార్ చిరంజీవి (Megastar Chiranjeevi) గాడ్ ఫాద‌ర్‌ (God Father) పేరుతో తెలుగులో రీమేక్ చేశాడు.

ఈ చిత్రానికి త‌ని ఓరువ‌న్ (Thani Oruvan) ఫేమ్ మోహ‌న్ రాజా (Mohan Raaja) ద‌ర్శ‌క‌త్వం వ‌హించాడు. ఇక్క‌డ కూడా ఈ సినిమా మంచి విజ‌యాన్ని న‌మోదు చేసుకుంది. కాగా ఈ చిత్రం నుంచి సీక్వెల్ వ‌స్తున్న‌ట్లు మేక‌ర్స్ ప్ర‌క‌టించిన విష‌యం తెలిసిందే. లుసిఫ‌ర్ 2 ఎంపురాన్ (Lucifer 2 Empuraan) అనే టైటిల్‌తో ఈ సినిమా రానుండ‌గా.. ఈ మూవీ నుంచి ఓ సాలిడ్ అప్‌డేట్ వ‌చ్చింది. తాజాగా ఈ సినిమా ఫస్ట్‌ షెడ్యూల్‌ షూటింగ్‌ను కంప్లీట్ చేసుకుంది. ఇదే విషయాన్ని దర్శకుడు, నటుడు పృథ్విరాజ్‌ సుకుమారన్‌ వెల్లడించాడు.

దేశ రాజధాని ఢిల్లీలో ఈ సినిమా ఫస్ట్‌ షెడ్యూల్‌ పూర్తయింది. ఇక ఈ సీక్వెల్‌ పార్ట్‌లో పొలిటికల్ ఫీవర్‌ను మరింత చూపించబోతున్నట్లు ఇన్‌సైడ్ టాక్‌. పృథ్వీరాజ్ సుకుమారన్ ద‌ర్శ‌క‌త్వం వహిస్తున్న ఈ సినిమాకు మురళి గోపి స్టోరీ అందిస్తున్నాడు. కాగా ఇందులో సూపర్ స్టార్ మోహన్ లాల్ మరింత స్టైలిష్‏గా కనిపించ‌నున్న‌ట్లు టాక్. వీలైనంత త్వరగా షూటింగ్‌ పూర్తి చేసి వచ్చే ఏడాది ప్రథమార్థంలో ప్రేక్షకుల ముందుకు తీసుకురావాలని మేకర్స్‌ సన్నాహాలు చేస్తున్నారు.

 

View this post on Instagram

 

A post shared by Prithviraj Sukumaran (@therealprithvi)