హీరోగా మంచి క్రేజ్ సంపాదించుకోవటానికి ఒక్క సినిమా చాలు.. అలాంటి సినిమానే ‘లవ్ టుడే’ (Love Today). తెలుగు ప్రేక్షకులకు పెద్దగా పరిచయం లేని ప్రదీప్ రంగనాథన్ (pradeep ranganathan) స్వీయదర్శకత్వంలో హీరోగా నటించిన లవ్, రొమాంటిక్ ఎంటర్టైనర్ లవ్ టుడే. ముందుగా తమిళ మాతృక భాషలో విడుదలైన ఈ చిత్రం మంచి టాక్తో సూపర్ కలెక్షన్లు రాబట్టి బాక్సాఫీస్ వద్ద టాక్ ఆఫ్ ది టౌన్గా నిలిచింది. ఆ తర్వాత ఈ మూవీని తెలుగులో టాలీవుడ్ స్టార్ ప్రొడ్యూసర్ దిల్ రాజు విడుదల చేశారు. తెలుగులో కూడా మంచి టాక్ సొంతం చేసుకుంది.
ఇనయ, ప్రదీప్ రంగనాథన్లను హీరోహీరోయిన్లుగా తెలుగు ప్రేక్షకులకు కూడా బాగా దగ్గర చేసింది లవ్టుడే. ఈ సూపర్ హిట్ యూత్ఫుల్ మూవీ ఇక నార్త్లో కూడా సత్తా చాటేందుకు రెడీ అవుతుందన్న వార్త ఇపుడు నెట్టింట హల్ చల్ చేస్తోంది. తాజా టాక్ ప్రకారం స్టార్ ప్రొడ్యూసర్ బోనీ కపూర్ లవ్టుడే హిందీ రీమేక్ రైట్స్ ను దక్కించుకున్నట్టు బీటౌన్ సర్కిల్ టాక్.
ఇంతకీ హిందీ వెర్షన్లో ఏ హీరో కనిపిస్తాడనే కదా మీ డౌటు. యూత్ ఫ్యాన్ ఫాలోయింగ్ ఉన్న వరుణ్ ధవన్తో లవ్ టుడే రీమేక్ చేయాలని సన్నాహాలు చేస్తున్నాడట బోనీకపూర్. అంతేకాదు వరుణ్ ధవన్ తండ్రి డేవిడ్ ధవన్ ఈ చిత్రాన్ని డైరెక్ట్ చేయబోతున్నాడని ఇన్ సైడ్ టాక్. కాగా దీనిపై రానున్న రోజుల్లో క్లారిటీ వచ్చే అవకాశాలున్నట్టు సమాచారం.