భారీ ధ‌ర‌కు లైగ‌ర్ నాన్-థియేట్రిక‌ల్ హ‌క్కులు..

Liger movie | రౌడిబాయ్ విజ‌య్ దేవ‌ర‌కొండ హీరోగా డేరింగ్ డాషింగ్ డైరెక్ట‌ర్ పూరీ జ‌గ‌న్నాథ్ ద‌ర్శ‌క‌త్వంలో తెర‌కెక్కుతున్న చిత్రం లైగ‌ర్.

Liger movie |రౌడీ బాయ్ విజ‌య్ దేవ‌ర‌కొండ హీరోగా డేరింగ్ డాషింగ్ డైరెక్ట‌ర్ పూరీ జ‌గ‌న్నాథ్ ద‌ర్శ‌క‌త్వంలో తెర‌కెక్కుతున్న చిత్రం లైగ‌ర్. ధ‌ర్మ ప్రొడ‌క్ష‌న్ బ్యాన‌ర్‌పై క‌ర‌ణ్ జోహ‌ర్‌తో క‌లిసి పూరీ స్వీయ‌ నిర్మాణంలో ఈ చిత్రం తెర‌కెక్కుతుంది. విజ‌య్‌కు జోడిగా అన‌న్య పాండే హీరోయిన్‌గా న‌టిస్తుంది.ముంబైలోని ఒక ఛాయ్‌వాలా ప్ర‌పంచం గుర్తించే బాక్స‌ర్‌గా ఎలా ఎద‌గాడ‌నే కాన్సెప్ట్‌తో ఈ సినిమా తెర‌కెక్కింది. ప్ర‌ముఖ బాక్స‌ర్ మైఖ్ టైస‌న్ ఈ చిత్రంలో కీల‌క‌పాత్ర‌లో న‌టిస్తున్నాడు. తాజాగానే ఈ చిత్రం షూటింగ్‌ను పూర్తి చేసుకుంది. ఈక్ర‌మంలో ఈ చిత్రానికి సంబంధించిన ఓ వార్త సోష‌ల్ మీడియాలో వైర‌ల్ అవుతుంది.

ఇస్మార్ట్ శంక‌ర్ త‌ర్వాత తిరిగి ట్రాక్ లోకి వ‌చ్చిన పూరీ ఈ సినిమాకి దాదాపు రెండేళ్ళ స‌మ‌యం తీసుకున్నాడు. అత్యంత భారీ బ‌డ్జెట్‌తో తెర‌కెక్క‌నున్న ఈ చిత్రంపై ప్రేక్ష‌కుల‌లో భారీ అంచ‌నాలున్నాయి. ఇప్ప‌టికే చిత్ర బృందం విడుద‌ల చేసిన ప్ర‌చార చిత్రాలు, గ్లింప్స్ సినిమాపైన అంత‌కంత‌కు అంచ‌నాల‌ను పెంచుతున్నాయి. తాజాగా అందుతున్న సమాచారం ప్ర‌కారం ఈ చిత్రానికి డిజిట‌ల్ హ‌క్కుల‌కు భారీగా డీల్ కుదిరింద‌ని స‌మాచారం. ప్ర‌ముఖ ఓటీటీ సంస్థ అమేజాన్ ప్రైమ్ అన్ని భాష‌ల‌కు క‌లుపుకొని 60కోట్ల డీల్ కుదిరించుకుంద‌ని స‌మాచారం.

పాన్ఇండియా చిత్రంగా తెర‌కెక్కుతున్న లైగ‌ర్ చిత్రం ప్ర‌స్తుతం పోస్ట్ ప్రొడ‌క్ష‌న్ ప‌నుల‌ను జ‌రుపుకుంటుంది. ఈ చిత్రం ఆగ‌స్టు 25న విడుద‌ల కానుంది. ప్ర‌స్తుతం ఇదే కాంబోలో జ‌న‌గ‌ణ‌మ‌న తెర‌కెక్క‌నుంది. ఇప్పటికే ఈ చిత్రానికి సంబంధించిన ప్రీ ప్రొడ‌క్ష‌న్ ప‌నులు పూర్త‌య్యాయ‌ని తెలుస్తుంది. త్వ‌ర‌లోనే ఈ చిత్రం షూటింగ్‌ను మొద‌లుపెట్ట‌నుంది. పూరీ స్టైల్లో ఈ చిత్రాన్ని రెండు నెలల్లోనే షూటింగ్‌ను పూర్తి చేసి ఈ ఏడాది ద్వితియార్థంలో విడుద‌ల చేయాల‌ని చిత్ర బృందం సన్నాహాలు చేస్తుంద‌ట‌.