Leo Movie | విజయ్‌ ఫ్యాన్స్ రెడీగా ఉన్నారా..? లియో సెకండ్ సింగిల్ టైం ఫిక్స్

Leo Second Single | కోలీవుడ్ స్టార్‌ హీరో దళపతి విజయ్ (Vijay) టైటిల్‌ రోల్‌లో నటిస్తున్న చిత్రం ‘లియో’ (Leo.. Bloody Sweet). లోకేశ్‌ కనగరాజ్‌ (Lokesh Kanagaraj) దర్శకత్వం వహిస్తున్నాడు. యాక్షన్‌ ఎంటర్‌టైనర్‌గా వస్తోన్న ఈ సినిమా లాంఛ్ చేసిన రోజు నుంచే హైప్ క్రియేట్ చేస్తూ వ‌స్తుంది. అక్టోబర్‌ 19న ఈ సినిమా ప్రపంచవ్యాప్తంగా థియేటర్లలో గ్రాండ్‌గా విడుదల కానుంది.

Leo Second Single | కోలీవుడ్ స్టార్‌ హీరో దళపతి విజయ్ (Vijay) టైటిల్‌ రోల్‌లో నటిస్తున్న చిత్రం ‘లియో’ (Leo.. Bloody Sweet). లోకేశ్‌ కనగరాజ్‌ (Lokesh Kanagaraj) దర్శకత్వం వహిస్తున్నాడు. యాక్షన్‌ ఎంటర్‌టైనర్‌గా వస్తోన్న ఈ సినిమా లాంఛ్ చేసిన రోజు నుంచే హైప్ క్రియేట్ చేస్తూ వ‌స్తుంది. అక్టోబర్‌ 19న ఈ సినిమా ప్రపంచవ్యాప్తంగా థియేటర్లలో గ్రాండ్‌గా విడుదల కానుంది. ఈ నేపథ్యంలో మేకర్స్ ప్రమోషన్స్‌ మొదలుపెట్టారు. ఇప్ప‌టికే ఈ సినిమా నుంచి మేకర్స్ ఫస్ట్ లుక్, టైటిల్‌ ప్రోమో గ్లింప్స్, ఫస్ట్‌ సింగిల్ లాంచ్ చేయ‌గా.. ప్రేక్ష‌కుల‌ను ఆక‌ట్టుకున్నాయి. అయితే ఈ మూవీ మ్యూజిక్ లాంచ్ ఈవెంట్‌ను క్యాన్సిల్ చేస్తున్నట్లు చిత్ర‌బృందం ప్ర‌క‌టించి అభిమానుల‌ను నిరాశ‌ప‌రిచింది. అయితే, అభిమానుల కోరిక మేరకు మూవీ నుంచి వరుసగా అప్‌డేట్‌లను ఇస్తామని తెలిపింది. ఈ నేపథ్యంలో ఈ మూవీ నుంచి మేక‌ర్స్ తాజాగా ఒక అప్‌డేట్ ఇచ్చారు.

ఈ మూవీ నుంచి సెకండ్ సింగిల్‌(Leo Second Single) కు సంబంధించి మేక‌ర్స్ క్రేజీ అప్‌డేట్ ఇచ్చారు. ‘లియో’ సెకండ్ సింగిల్ బాడాస్ (Badass) నేడు సాయంత్రం 6 గంట‌ల‌కు ప్రేక్షకుల ముందుకు రానున్న‌ట్లు మేక‌ర్స్ తెలిపారు. ఇక సెకండ్‌ సింగిల్‌ కోసం అభిమానులు చాలా ఎక్జయిటింగ్‌గా ఎదురుచూస్తున్నారు. అనిరుధ్‌ సంభవం లోడింగ్‌.. అంటూ నెట్టింట #LeoSecondSingle ట్రెండింగ్ చేస్తున్నారు. మ‌రోవైపు లియో నుంచి లాంఛ్ చేసిన నా రెడీ సాంగ్‌ ఇప్పటికే నెట్టింట మిలియన్ల సంఖ్యలో వ్యూస్ రాబడుతోంది.

Mr. #LeoDas is a #Badass #LeoSecondSingle #BadassFromToday6PM#LEO 🔥🧊 pic.twitter.com/vk8e2RD1yr

— Lokesh Kanagaraj (@Dir_Lokesh) September 27, 2023

లియో మ్యూజిక్ లాంచ్ ఈవెంట్‌ను మొద‌ట మలేషియాలో నిర్వహిస్తామని చిత్ర‌బృందం ప్ర‌క‌టించింది. అయితే విదేశాల్లో ఈ మ్యూజిక్ లాంచ్ ఈవెంట్‌ను నిర్వహించేందుకు విజయ్ నిరాకరించాడు. దీంతో ఆ ఈవెంట్‌ను తమిళనాడులో సెప్టెంబర్ 30న నిర్వహించనున్నట్లు చిత్ర నిర్మాణ సంస్థ సెవెన్ స్క్రీన్ స్టూడియో తెలిపింది. అయితే దీనికోసం టికెట్స్, పాసులను ఏర్పాటు చేసింది. అయితే ఈ పాసుల‌కు అనుకున్నదానికంటే ఎక్కువ డిమాండ్ ఏర్పడ‌డంతో చేసేదేమీ లేక ఆడియో లాంచ్ ఈవెంట్‌ను క్యాన్సిల్ చేస్తున్నట్లు చిత్ర‌బృందం తాజాగా ప్ర‌క‌టించింది.