Kumari Srimathi | నిత్యామీనన్‌ ‘కుమారి శ్రీమతి’ ట్రైల‌ర్ అప్‌డేట్.. ఎప్పుడంటే?

Nithya Menen | ‘అలా మొదలైంది’ సినిమాతో తెలుగు చిత్రసీమలోకి అడుగపెట్టింది మలయాళ బ్యూటీ నిత్యామీనన్‌(Nithya Menon). తొలి సినిమాతోనే తిరుగులేని పాపులారిటీ తెచ్చుకుంది. ఆ తర్వాత ‘ఇష్క్‌’, ‘గుండెజారి గల్లంతయ్యిందే’, ‘మళ్లీ మళ్లీ ఇది రాని రోజు’ ఇలా బ్యాక్‌ టు బ్యాక్‌ హిట్లతో అనతికాలంలోనే అగ్ర కథానాయికగా పేరు సంపాదించుకుంది.

Nithya Menen | ‘అలా మొదలైంది’ సినిమాతో తెలుగు చిత్రసీమలోకి అడుగపెట్టింది మలయాళ బ్యూటీ నిత్యామీనన్‌(Nithya Menon). తొలి సినిమాతోనే తిరుగులేని పాపులారిటీ తెచ్చుకుంది. ఆ తర్వాత ‘ఇష్క్‌’, ‘గుండెజారి గల్లంతయ్యిందే’, ‘మళ్లీ మళ్లీ ఇది రాని రోజు’ ఇలా బ్యాక్‌ టు బ్యాక్‌ హిట్లతో అనతికాలంలోనే అగ్ర కథానాయికగా పేరు సంపాదించుకుంది. ఆ మధ్య కాస్త డల్‌ అయినట్లు కనిపించినా.. ‘భీమ్లానాయక్‌’, ‘తిరు’ సినిమాలతో మళ్లీ తిరిగి హిట్ ట్రాక్‌లోకి వచ్చేసింది. ఇక ప్రస్తుతం నిత్యామీనన్ చేస్తున్న వెబ్ సిరీస్ ‘కుమారి శ్రీమతి’(Kumari Srimathi). లేడి ఓరియెంట్‌ కాన్సెప్ట్‌లో తెరకెక్కుతున్న ఈ వెబ్ సిరీస్‌కు గోమతేష్ ఉపాధ్యాయ్‌ దర్శకత్వం వహిస్తున్నాడు. ఇప్ప‌టికే ఈ సిరీస్ నుంచి గ్లింప్స్‌, టీజ‌ర్ విడుద‌ల చేసిన మేకర్స్ తాజాగా ట్రైల‌ర్ అప్‌డేట్ ఇచ్చారు.

‘కుమారి శ్రీమతి’(Kumari Srimathi) ట్రైల‌ర్‌ను ఈరోజు సాయంత్రం 4 గంటలకు విడుద‌ల చేయ‌నున్న‌ట్లు మేక‌ర్స్ సోష‌ల్ మీడియాలో వెల్ల‌డించారు. ఇక ఈ ట్రైల‌ర్‌ను టాలీవుడ్ స్టార్ హీరో నాచురల్ స్టార్ నాని లాంచ్ చేయ‌నున్న‌ట్లు తెలిపారు.

ఇదిలా ఉంటే.. ఈ వెబ్ సిరీస్ ప్ర‌ముఖ ఓటీటీ ప్లాట్‌ఫామ్ అమెజాన్‌ ప్రైమ్‌లో సెప్టెంబ‌ర్ 28 నుంచి స్ట్రీమింగ్ కానున్న‌ట్లు మేక‌ర్స్ సోష‌ల్ మీడియాలో వెల్ల‌డించారు. స్వప్న సినిమాస్‌ బ్యానర్‌పై తెరకెక్కిన ఈ వెబ్ సిరీస్ తెలుగుతో పాటు తమిళ, మలయాళ, హిందీ భాషల్లో స్ట్రీమింగ్‌ కానుంది. అవసరాల శ్రీనివాస్ ఈ వెబ్ సిరీస్‌కు కథను అందించాడు.