Kriti Sanon | అభిమానుల తాకిడిలో ఇబ్బంది పడిన రష్మిక.. రక్షణగా నిలిచిన కృతి సనన్, వైరల్ అవుతున్న వీడియో!

Kriti Sanon | సినీ తారలపై అభిమానుల ప్రేమ ఒక్కోసారి హద్దులు దాటుతుంటుంది. తమ అభిమాన హీరో, హీరోయిన్‌ను ఒక్కసారి దగ్గరగా చూడాలని, షేక్‌హ్యాండ్ ఇవ్వాలని, ఫోటో దిగాలని అభిమానులు ఉత్సాహం చూపించడం సహజమే. అయితే కొన్నిసార్లు అదే అభిమానం స్టార్స్‌కు ఇబ్బందికర పరిస్థితులను సృష్టిస్తుంది.

Kriti Sanon | సినీ తారలపై అభిమానుల ప్రేమ ఒక్కోసారి హద్దులు దాటుతుంటుంది. తమ అభిమాన హీరో, హీరోయిన్‌ను ఒక్కసారి దగ్గరగా చూడాలని, షేక్‌హ్యాండ్ ఇవ్వాలని, ఫోటో దిగాలని అభిమానులు ఉత్సాహం చూపించడం సహజమే. అయితే కొన్నిసార్లు అదే అభిమానం స్టార్స్‌కు ఇబ్బందికర పరిస్థితులను సృష్టిస్తుంది. తాజాగా పుణెలో జరిగిన ఓ సినిమా ప్రమోషనల్ ఈవెంట్‌లో అలాంటి సంఘటనే చోటుచేసుకుంది. బాలీవుడ్ నటుడు షాహిద్ కపూర్, స్టార్ హీరోయిన్లు రష్మిక మందన్న, కృతి సనన్ కలిసి పాల్గొన్న కార్యక్రమంలో అభిమానుల భారీ రద్దీ నెలకొంది. ఈ సందర్భంగా జరిగిన ఒక ఘటన ఇప్పుడు సోషల్ మీడియాలో వైరల్‌గా మారింది. ముఖ్యంగా కృతి సనన్ ప్రదర్శించిన స్పందన నెటిజన్ల ప్రశంసలు అందుకుంటోంది.

పుణెలోని ఓ ప్రముఖ హోటల్‌లో ‘కాక్‌టెయిల్ 2’ సినిమా ప్రమోషనల్ ఈవెంట్ నిర్వహించారు. కార్యక్రమానికి భారీ సంఖ్యలో అభిమానులు హాజరయ్యారు. స్టార్స్‌ను దగ్గరగా చూడాలనే ఉత్సాహంతో చాలామంది ముందుకు రావడంతో పరిస్థితి క్రమంగా అదుపుతప్పింది. ఈవెంట్ ముగిసిన తర్వాత షాహిద్ కపూర్, రష్మిక మందన్న, కృతి సనన్ బయటకు వస్తుండగా అభిమానులు ఒక్కసారిగా వారివైపు దూసుకొచ్చారు. షేక్‌హ్యాండ్ ఇవ్వాలనే పేరుతో పలువురు దగ్గరికి చేరుకోవడానికి ప్రయత్నించగా, భద్రతా సిబ్బంది వారిని నియంత్రించడంలో ఇబ్బందులు ఎదుర్కొన్నారు.

ఈ గందరగోళంలో రష్మిక మందన్నకు అసౌకర్యంగా మారిన పరిస్థితులు కనిపించాయి. సోషల్ మీడియాలో వైరల్ అవుతున్న వీడియోల ప్రకారం, కొందరు అభిమానులు అత్యుత్సాహం ప్రదర్శిస్తూ ఆమెకు మరీ దగ్గరగా వెళ్లే ప్రయత్నం చేశారు. ఒక వ్యక్తి షేక్‌హ్యాండ్ పేరుతో హద్దులు దాటేలా ప్రవర్తించాడనే వ్యాఖ్యలు కూడా నెటిజన్ల నుంచి వినిపిస్తున్నాయి.ఈ పరిస్థితిని గమనించిన కృతి సనన్ వెంటనే స్పందించారు. రష్మిక చుట్టూ రక్షణగా నిలబడి, ఆమెకు ఎలాంటి ఇబ్బంది కలగకుండా జాగ్రత్తగా ముందుకు తీసుకెళ్లారు. ఒక స్నేహితురాలిలా, పెద్దక్కలా వ్యవహరించిన కృతి తీరు అక్కడ ఉన్న వారిని ఆకట్టుకుంది. వైరల్ అవుతున్న వీడియోల్లో కృతి సనన్ రష్మికను తన చేతులతో కవర్ చేస్తూ, అభిమానుల తాకిడి నుంచి సురక్షితంగా బయటకు తీసుకువెళ్తున్న దృశ్యాలు స్పష్టంగా కనిపిస్తున్నాయి. ఈ వీడియో సోషల్ మీడియాలో వేగంగా వ్యాపించడంతో నెటిజన్లు కృతిపై ప్రశంసల వర్షం కురిపిస్తున్నారు.

 

View this post on Instagram

 

A post shared by ❤️‍🔥༒ 𝓝𝓪𝓿𝓮𝓮𝓷..👑🤙 (@navin_awar_04)