Keerthi Suresh | రివాల్వర్‌ రీటాగా కీర్తిసురేష్‌.. ఆసక్తి రేకెత్తిస్తున్న ఫస్ట్‌లుక్‌ పోస్టర్‌..!
ఈ తరం కథానాయికలలో తన రూటే సెపరేటు అంటున్న నటి కీర్తి సురేష్‌. నేను శైలజ సినిమాతో తెలుగు తెరకు పరిచమైన ఈ మలయాళ కుట్టి.. మొదటి సినిమాతోనే అందరి దృష్టి తనవైపు తిప్పుకుంది.
Keerthi Suresh | ఈ తరం కథానాయికలలో తన రూటే సెపరేటు అంటున్న నటి కీర్తి సురేష్‌. ‘నేను శైలజ’ సినిమాతో తెలుగు తెరకు పరిచమైన ఈ మలయాళ కుట్టి.. మొదటి సినిమాతోనే అందరి దృష్టి తనవైపు తిప్పుకుంది. ఇక ‘మహానటి’తో నేషనల్‌ అవార్డు గెలుచుకుని తెలుగు ప్రేక్షకులకు మరింత దగ్గరైంది. సావిత్రి బయోపిక్‌లో ఇంత కన్నా బాగా ఎవరు నటించలేరెమో అనేంతలా తన నటనతో కట్టిపడేసింది. ఈ సినిమా తర్వాత లేడీ ఓరియెంటెడ్‌ సినిమాలకు కీర్తి కేరాఫ్‌ అడ్రస్‌ అయిపోయింది. ఓ వైపు పార్‌ఫార్మెన్స్‌ ఓరియెంటెడ్‌ సినిమాలు చేస్తూనే మరోవైపు గ్లామర్ పాత్రలతోనూ అదరగొడుతుంది. ప్రస్తుతం ఈ అమ్మడి చేతిలో అరడజను సినిమాలున్నాయి. అందులో చంద్రు దర్శకత్వంలో తెరకెక్కుతున్న కామెడీ యాక్షన్‌ ఎంటర్‌టైనర్‌ ఒకటి.
తాజాగా ఈ సినిమా టైటిల్‌ పోస్టర్‌ను చిత్రబృందం రిలీజ్‌ చేసింది. ఈ సినిమాకు రివాల్వర్‌ రీటా పేరును ఫిక్స్‌ చేస్తూ.. రెండు చేతుల్లో రెండు రివాల్వర్స్‌ను పట్టుకుని ఉన్న కీర్తి పోస్టర్‌ను విడుదల చేశారు. పెయింటింగ్‌తో డిజైన్‌ చేసిన ఈ పోస్టర్‌ ఆకట్టుకుంటుంది. మహిళ ప్రధాన చిత్రంగా తెరకెక్కుతున్న ఈ సినిమాను ది రూట్‌, ప్యాషన్‌ స్టూడీయోస్‌ బ్యానర్‌లు సంయుక్తంగా నిర్మిస్తున్నాయి. ప్రస్తుతం కీర్తి తెలుగులో రెండు సినిమాలు చేస్తుంది. అందులో నానితో కలసి ‘దసరా’ మూవీ చేస్తుంది. ఇటీవలే ఈ సినిమా షూటింగ్‌ పూర్తయింది. ఈ మూవీలో కీర్తి డీ గ్లామర్ పాత్ర పోషిస్తుంది. శ్రీకాంత్‌ ఓదెలా దర్శకత్వం వహిస్తున్న ఈ సినిమా మార్చి 30న ప్రేక్షకుల ముందుకు రానుంది. దీనితో పాటుగా చిరుతో కలిసి ‘భోళా శంకర్‌’ చేస్తుంది. ఈ సినిమాలో కీర్తి, చిరంజీవికి చెల్లెలిగా నటిస్తుంది. సినిమా సినిమాకు తన పాత్రలతో వేరియేషన్‌ చూపిస్తూ.. అందరి హీరోయిన్‌లకు భిన్నంగా సెపరేట్‌ రూట్‌లో దూసుకుపోతుంది.
View this post on Instagram
Read Today's Latest Cinema News in Telugu and Telugu News
- Follow Us :
-
