కయ్యాల చిందాట

స్వీయ దర్శకత్వంలో తరుణ్‌భాస్కర్‌ నటిస్తున్న చిత్రం ‘కీడా కోలా’. విజి సైన్మ పతాకంపై తెరకెక్కుతున్న ఈ చిత్రానికి హీరో రానా సమర్పకుడిగా వ్యవహరిస్తున్నారు. నవంబర్‌ 3న విడుదలకానుంది.

స్వీయ దర్శకత్వంలో తరుణ్‌భాస్కర్‌ నటిస్తున్న చిత్రం ‘కీడా కోలా’. విజి సైన్మ పతాకంపై తెరకెక్కుతున్న ఈ చిత్రానికి హీరో రానా సమర్పకుడిగా వ్యవహరిస్తున్నారు. నవంబర్‌ 3న విడుదలకానుంది. ఈ సినిమాలోని ‘కయ్యాల చిందాట’ అనే గీతాన్ని గురువారం విడుదల చేశారు. మాస్‌ను మెప్పించేలా హుషారైన బీట్‌తో ఈ పాట ఆకట్టుకుంది. వివేక్‌ సాగర్‌ స్వరపరచిన ఈ పాటను నిక్లేష్‌ సుంకోజీ రచించారు.

హేమచంద్ర ఆలపించారు. ‘యూనిక్‌ క్రైమ్‌ కామెడీ మూవీ ఇది. పాటలకు మంచి స్పందన లభిస్తున్నది. వినూత్నమైన కథతో ప్రేక్షకులకు సరికొత్త అనుభూతినందిస్తుంది’ అన్నారు. బ్రహ్మానందం, రఘురామ్‌, రవీంద్ర విజయ్‌ తదితరులు నటిస్తున్న ఈ చిత్రానికి సినిమాటోగ్రఫీ: ఏజే ఆరోన్‌, నిర్మాతలు: వివేక్‌ సుధాంషు, సాయికృష్ణ గద్వాల్‌, శ్రీనివాస్‌ కౌశిక్‌, శ్రీపాద్‌ నందిరాజ్‌, ఉపేంద్ర వర్మ, రచన-దర్శకత్వం: తరుణ్‌భాస్కర్‌ దాస్యం.