పొలం పనుల్లో క్రేజీ హీరో

కన్నడ స్టార్‌ హీరో యష్‌ పొలం పనుల్లోకి దిగాడు. అదేంటీ అంటే సరదాగా అంటున్నారు ఫ్యాన్స్‌. తన సొంతూరు హసన్‌ లో ఈ మధ్యనే యష్‌ వంద ఎకరాలు కొనుగోలు చేశాడని వీటి విలువ 80 కోట్ల వరకు ఉంటుందని వార్తలు వచ్చాయి.

ఈ మధ్యనే ఈ పొలం విషయంలో హీరో కుటుంబానికి, గ్రామస్తులకు మధ్య గొడవలు జరిగి విషయం జిల్లా కలెక్టర్‌ వరకు వెళ్లింది. సరే ఇప్పడా విషయాలను పక్కన పెట్టి ఈ స్టార్‌ హీరో పొలంలో ఏం పడుస్తాడో చూద్దామంటే అక్కడక్కడ కొన్నిచెట్లు మాత్రమే ఉన్నాయి.  ప్రస్తుతం పనులు జరుగుతున్నట్లు ఫోటోల్లో చూస్తే తెలిసిపోతోంది.

 ఎంత ఎదిగినా ఎక్కడి నుంచి వచ్చామన్నది మరవకూడదు. ఆ మాటని మా హీరో తూచా తప్పకుండా పాటిస్తాడని చెప్పడానికి ఈ ఫోటోలే నిదర్శనమంటూ అభిమానులు వీటిని షేర్‌ చేసుకుంటున్నారు.

కెజిఎఫ్‌ 2 రిలీజ్‌ కి రెడీగా ఉంది. ప్రశాంత్‌ నీల్‌ డైరక్షన్‌ లో తెరకెక్కిన ఈసినిమా జూలై 16న ప్రేక్షకుల ముందుకు రాబోతోంది. ఈ సినిమా తర్వాత యష్‌ ఏ దర్శకుడితో చేస్తాడన్నది ఆసక్తికరంగా మారింది. మరోవైపు కన్నడ దర్శకుడు నర్తన్ తో సినిమాకి హీరో యష్ కమిట్‌ అయ్యాడని వార్తలు వచ్చినా ఇంతవరకు ఎలాంటి అధికారిక ప్రకటన లేదు.