Shivarajkumar | ఈ సినిమా వేరే లెవ‌ల్లో ఉంటుంది.. ‘ఆర్‌సీ 16’పై శివ రాజ్‌కుమార్ ఇంట్రెస్టింగ్ కామెంట్స్

మెగా ప‌వ‌ర్ స్టార్ రామ్‌చరణ్‌ కథానాయకుడిగా ‘ఉప్పెన’ ఫేమ్‌ బుచ్చిబాబు సానా దర్శకత్వంలో తెరకెక్కిస్తున్న పాన్‌ ఇండియా ప్రాజెక్ట్ ఆర్‌సీ 16. ఈ చిత్రం బుధవారం హైదరాబాద్‌లో ఘనంగా ప్రారంభోత్సవం జరుపుకున్న విష‌యం తెలిసిందే. ఈ చిత్రంలో జాన్వీకపూర్ హీరోయిన్‌గా న‌టిస్తుండ‌గా.. ఏ.ఆర్‌.రెహమాన్ సంగీతం అందించ‌నున్నాడు.

RC 16 Movie | మెగా ప‌వ‌ర్ స్టార్ రామ్‌చరణ్‌ కథానాయకుడిగా ‘ఉప్పెన’ ఫేమ్‌ బుచ్చిబాబు సానా దర్శకత్వంలో తెరకెక్కిస్తున్న పాన్‌ ఇండియా ప్రాజెక్ట్ ఆర్‌సీ 16. ఈ చిత్రం బుధవారం హైదరాబాద్‌లో ఘనంగా ప్రారంభోత్సవం జరుపుకున్న విష‌యం తెలిసిందే. ఈ చిత్రంలో జాన్వీకపూర్ హీరోయిన్‌గా న‌టిస్తుండ‌గా.. ఏ.ఆర్‌.రెహమాన్ సంగీతం అందించ‌నున్నాడు. అయితే ఈ సినిమాలో ప్రముఖ కన్నడ నటుడు శివ రాజ్‌కుమార్‌ (Shiva Rajkumar) ఓ కీల‌క పాత్ర పోషిస్తుండ‌గా.. తాజాగా మూవీపై ఆస‌క్తిక‌ర వ్యాఖ్య‌లు చేశాడు.

బుచ్చిబాబు మంచి విజ‌న్ ఉన్న ద‌ర్శ‌కుడని.. తాను క‌థ చేప్పేందుకు నా ద‌గ్గ‌ర‌కు వ‌చ్చిన‌ప్పుడు అత‌డికి అర‌గంట స‌మ‌యం ఇచ్చానని.. అయితే బుచ్చిబాబు క‌థ చెప్పడం మొదలు పెట్టి అది పూర్తయ్యేవరకు గంట అయ్యిందని తెలిపారు. క‌థ వింటున్న‌ప్పుడు చాలా రోజుల త‌ర్వాత ఒక మంచి సినిమా చేస్తున్నానని మ‌న‌సులో అనుకున్న.. ఈ సినిమాలో పాత్రలను బుచ్చిబాబు చక్కగా రాశారని.. ఇది పూర్తిగా వేరే స్థాయిలో ఉంది. అతడు ఆ క్యారెక్టర్ ఎలా ఇమాజిన్ చేసుకున్నాడో అని ఆశ్చర్యం కలిగింది అంటూ శివ‌న్న చెప్పుకోచ్చాడు.

ఉత్తరాంధ్ర స్పోర్ట్స్ బ్యాగ్‌డ్రాప్‌తో వ‌స్తున్న ఈ చిత్రాన్ని మైత్రీమూవీ మేకర్స్‌ సమర్పిస్తున్నది. వృద్ధి సినిమాస్‌, సుకుమార్‌ రైటింగ్స్‌ సంస్థలపై వెంకటసతీశ్‌ కిలారు అత్యంత భారీ వ్యయంతో నిర్మించనున్నారు. యూనివర్సల్‌ అప్పీల్‌ ఉండే పవర్‌ఫుల్‌ స్క్రిప్ట్‌ని బుచ్చిబాబు సిద్ధం చేశారని యూనిట్‌ సభ్యులు తెలిపారు. త్వరలోనే ఈ సినిమా షూటింగ్‌ మొదలు కానుంది.