Visit:
Kanguva | త‌మిళ అగ్ర క‌థానాయ‌కుడు సూర్య (Suriya) ప్ర‌ధాన పాత్ర‌ల్లో నటిస్తున్న పీరియాడిక్ యాక్షన్ డ్రామా కంగువ (Kanguva). శివ (siva) దర్శకత్వం వహిస్తున్న ఈ మూవీని స్టూడియో గ్రీన్-యూవీ క్రియేషన్స్ సంయుక్తంగా నిర్మిస్తున్నాయి. ఈ సినిమాను నవంబ‌ర్ 14న ప్రేక్ష‌కుల ముందుకు తీసుకురానున్నట్లు చిత్ర‌బృందం ప్ర‌క‌టించిన విష‌యం తెలిసిందే. ఇక విడుద‌ల‌కు మూడు రోజులే ఉండ‌డంతో వ‌రుస‌గా ప్ర‌మోష‌న్స్ చేస్తుంది. ఈ ప్ర‌మోష‌న్స్‌లో భాగంగానే దుబాయ్‌లో నిర్వహించిన ప్రత్యేక ఈవెంట్‌లో రిలీజ్ ట్రైల‌ర్‌ను విడుద‌ల చేసింది చిత్ర‌బృందం. ఫూల్ యాక్షన్ ప్యాక్‌డ్‌గా సాగిన ఈ ట్రైల‌ర్‌ను మీరు చూసేయండి.
ఈ సినిమాలో సూర్య డ్యూయ‌ల్ రోల్‌లో క‌నిపించ‌బోతుండ‌గా.. బాలీవుడ్ నటుడు బాబీ డియోల్, దిశా పటాని, నటరాజన్ సుబ్రమణ్యం, జగపతి బాబు, రెడిన్ కింగ్స్లీ, కోవై సరళ, ఆనందరాజ్ కీలక పాత్రలు పోషిస్తున్నారు. దేవిశ్రీ ప్రసాద్ సంగీతం అందిస్తున్నాడు.
