సోగ్గాడే చిన్న నాయనా, బంగార్రాజు చిత్రాలతో డైరెక్టర్గా తనకంటూ మంచి గుర్తింపు తెచ్చుకున్నాడు కల్యాణ్ కృష్ణ కురసాలా (Kalyan Krishna Kurasala). ఈ యువ దర్శకుడు కొత్త అడుగువేయబోతున్నాడు. డైరెక్టర్ కల్యాణ్ కృష్ణ నిర్మాతగా అదృష్టాన్ని పరీక్షించుకునేందుకు రెడీ అయ్యాడు. తన మైదాన్ ప్రాజెక్టు అయిన మొదటి సినిమాకు లంబసింగి (Lambasingi) అనే టైటిల్ను ఫిక్స్ చేశారు. ఈ సినిమా పోస్టర్ను షేర్ చేశాడు. ఏ ప్యూర్ లవ్ స్టోరీ (A Pure Love Story) అనేది ట్యాగ్ లైన్.
హీరోహీరోయిన్లు రొమాంటిక్ మూడ్లో కనిపిస్తున్న పోస్టర్ సినిమాపై క్యూరియాసిటీని పెంచుతుంది. బిగ్ బాస్ ఫేం దివి వైద్య (Divi Vadthya) ఈ చిత్రంలో ఫీ మేల్ లీడ్ రోల్ పోషిస్తోంది. వైజాగ్ పరిసర ప్రాంతాల్లోని అందమైన గ్రామాల్లో లంబసింగి ఒకటి. ఇదే టైటిల్ను సినిమాకు ఫిక్స్ చేసి అందరి దృష్టిని ఆకర్షిస్తున్నారు మేకర్స్. వేసవి కాలం, చలికాలంలో అత్యంత ఎక్కువమంది వీక్షించే ప్రదేశం లంబసింగి.
Very Happy to present
a pure love story ❤️ …
LAMBASINGI … pic.twitter.com/BHH2bZeYH8— Kalyankrishnakurasala (@kalyankrishna_k) April 13, 2022
తాజా చిత్రం ఇదే ప్రాంతం చుట్టూ తిరిగే లవ్ స్టోరీతో రాబోతున్నట్టు పోస్టర్ ద్వారా చెప్పారు మేకర్స్. గాలి పటం ఫేం నవీన్ గాంధీ (Naveen Gandhi )ఈ చిత్రానికి దర్శకత్వం వహిస్తున్నాడు. ధ్రువన్ మ్యూజిక్ డైరెక్టర్. డీసెంట్, క్లీన్ లవ్ స్టోరీతో ప్రేక్షకుల ముందుకు రాబోతున్న కల్యాణ్కృష్ణకు ఆల్ ది బెస్ట్ చెబుతున్నారు సినీ జనాలు.