సామాజిక సందేశంతో ‘జయహో రామానుజ’

స్వీయ దర్శకత్వంలో డా॥ సాయివెంకట్‌ నటించిన ఆధ్యాత్మిక చిత్రం ‘జయహో రామానుజ’. సుదర్శనం ప్రొడక్షన్స్‌ పతాకంపై సాయిప్రసన్న, ప్రవళ్లిక నిర్మించారు. జోశర్మ, సుమన్‌, ప్రవళ్లిక కీలక పాత్రల్లో నటించారు. ఈ నెల 24న విడుదల కానుంది.

స్వీయ దర్శకత్వంలో డా॥ సాయివెంకట్‌ నటించిన ఆధ్యాత్మిక చిత్రం ‘జయహో రామానుజ’. సుదర్శనం ప్రొడక్షన్స్‌ పతాకంపై సాయిప్రసన్న, ప్రవళ్లిక నిర్మించారు. జోశర్మ, సుమన్‌, ప్రవళ్లిక కీలక పాత్రల్లో నటించారు. ఈ నెల 24న విడుదల కానుంది. బుధవారం ప్రీరిలీజ్‌ వేడుకను నిర్వహించారు. దర్శకనిర్మాత, నటుడు సాయివెంకట్‌ మట్లాడుతూ.. కులమతాలకు అతీతంగా మనుషులంతా ఒక్కటే అని చాటిన మహనీయుడు రామానుజాచార్యులని, ఈ పాత్ర వేషధారణలో ఇటీవల తాను తిరుమల వెళ్లినప్పుడు అక్కడ భక్తులు తనకు నమస్కరించడం జీవితంలో మర్చిపోలేని సంఘటన అన్నారు. సమసమాజ స్థాపన కోసం రామానుజాచార్యులు చేసిన ప్రయత్నాలు, ఈ క్రమంలో ఆయన ఎదుర్కొన్న కష్టాలను ఈ చిత్రంలో చూపించామని నిర్మాత ప్రవళ్లిక పేర్కొన్నది.