Animal Movie | ‘యానిమ‌ల్’ లాంటి సినిమాలు సమాజానికి చాలా ప్రమాదకరం : జావేద్ అక్త‌ర్

Animal Movie | బాలీవుడ్ న‌టుడు రణ్‌బీర్‌ కపూర్, అర్జున్ రెడ్డి ఫేమ్ సందీప్ రెడ్డి వంగా కాంబోలో వ‌చ్చిన తాజా యాక్షన్‌ ఎంటర్‌టైనర్ ‘యానిమల్’ (Animal). డిసెంబ‌ర్ 01న ప్రేక్ష‌కులు ముందుకు వ‌చ్చిన ఈ చిత్రం విడుద‌లైన రోజు నుంచే బాక్సాఫీస్ వ‌ద్ద కాసుల వర్షం కురిపించింది.

Animal Movie | బాలీవుడ్ న‌టుడు రణ్‌బీర్‌ కపూర్, అర్జున్ రెడ్డి ఫేమ్ సందీప్ రెడ్డి వంగా కాంబోలో వ‌చ్చిన తాజా యాక్షన్‌ ఎంటర్‌టైనర్ ‘యానిమల్’ (Animal). డిసెంబ‌ర్ 01న ప్రేక్ష‌కులు ముందుకు వ‌చ్చిన ఈ చిత్రం విడుద‌లైన రోజు నుంచే బాక్సాఫీస్ వ‌ద్ద కాసుల వర్షం కురిపించింది. ఇప్ప‌టివ‌ర‌కు ఈ చిత్రం రూ.900 కోట్ల‌కు పైగా వ‌సూళ్లు సాధించింది. ఇక ఈ ఏడాది విడుద‌లైన ఆల్ టైమ్ బ్లాక్ బ‌స్ట‌ర్ చిత్రాల‌లో యానిమ‌ల్ కూడా చోటు సంపాదించుకుంది. ఇదిలావుంటే తాజాగా ఈ సినిమాపై బాలీవుడ్ సీనియ‌ర్ లిరిక్ రైట‌ర్, ఐదు జాతీయ అవార్డుల విన్నర్‌ జావేద్ అక్తర్ సంచ‌ల‌న వ్యాఖ్య‌లు చేశాడు.

రీసెంట్‌గా ఔరంగాబాద్‌లో ఓ ఫిల్మ్ ఫెస్టివల్‌లో పాల్గొన్న జావేద్ అక్తర్ ప్రస్తుత సినిమా పరిస్థితుల గురించి ఆందోళన వ్యక్తం చేశారు. ఇటీవల బ్లాక్ బస్టర్ అందుకున్న యానిమల్ సినిమాను పరోక్షంగా ప్రస్తావిస్తూ.. ఇలాంటి సినిమాలు భారీ విజయాన్ని నమోదు చేయడం ప్రమాదకరమని తెలిపాడు. ఈ సినిమాలో ఒక సీన్‌లో హీరో తన ప్రేమను నిరూపించుకోవడానికి హీరోయిన్ ను బూట్లు నాకాలని అడగడం, అలాగే మరోక సీన్లో మహిళలను చెంపదెబ్బ కొట్టడం సరైనదేనని చెప్పడం వంటివి ఉంటాయి. అయితే ఇలాంటి సీన్లు ఉన్నప్పటికీ ఆ సినిమా సూపర్ డూపర్ హిట్ గా మారిందని ఇలాంటి చిత్రాలను ప్రేక్షకులు ఎలా హిట్ చేస్తున్నారో అర్థం కావడం లేదని జావేద్‌ అక్తర్‌ అభిప్రాయపడ్డారు. సమాజానికి ఇది ఎంతో ప్రమాదకరం అని ఆయన ఆందోళన చెందారు.