Janaka Aithe Ganaka | కండోమ్ కంపెనీపై సుహాస్ కేసు.. ఇంట్రెస్టింగ్‌గా ‘జనక అయితే గనక’ రిలీజ్ ట్రైల‌ర్

Janaka Aithe Ganaka | టాలీవుడ్ కుర్ర హీరో సుహాస్ ఫుల్ ఫామ్‌లో దూసుకుపోతున్నాడు. ఈ ఏడాది ఇప్ప‌టికే అంబాజీపేట మ్యారేజ్ బ్యాండ్, ప్రసన్న వదనం, శ్రీరంగ నీతులు, గొర్రె పురాణం అంటూ ప్రేక్ష‌కుల ముందుకు వచ్చి విజ‌యాల‌ను అందుకున్న ఈ యువ న‌టుడు ఇప్పుడు మ‌ళ్లీ ఒక కొత్త స్టోరీతో ప్రేక్ష‌కుల ముందుకు వ‌స్తున్నాడు.

Janaka Aithe Ganaka | టాలీవుడ్ కుర్ర హీరో సుహాస్ ఫుల్ ఫామ్‌లో దూసుకుపోతున్నాడు. ఈ ఏడాది ఇప్ప‌టికే అంబాజీపేట మ్యారేజ్ బ్యాండ్, ప్రసన్న వదనం, శ్రీరంగ నీతులు, గొర్రె పురాణం అంటూ ప్రేక్ష‌కుల ముందుకు వచ్చి విజ‌యాల‌ను అందుకున్న ఈ యువ న‌టుడు ఇప్పుడు మ‌ళ్లీ ఒక కొత్త స్టోరీతో ప్రేక్ష‌కుల ముందుకు వ‌స్తున్నాడు. సుహాస్‌ కథానాయకుడిగా రూపొందుతోన్న తాజా చిత్రం ‘జనక అయితే గనక’(Janaka Aithe Ganaka). ఈ సినిమాకు సందీప్‌రెడ్డి బండ్ల ద‌ర్శ‌క‌త్వం వ‌హిస్తుండ‌గా.. బలగం, లవ్‌మీ వంటి విభిన్న తరహా సినిమాల తర్వాత దిల్‌రాజు ప్రొడక్షన్స్‌ పతాకంపై హర్షిత్‌రెడ్డి, హన్షిత నిర్మిస్తున్నారు.

ఈ సినిమా ద‌స‌రా కానుక‌గా అక్టోబ‌ర్ 12న ప్రేక్ష‌కుల ముందుకు రానుంది. ఈ సంద‌ర్భంగా రిలీజ్ ట్రైల‌ర్‌ను మేక‌ర్స్ విడుద‌ల చేశారు. ఈ ట్రైల‌ర్ చూస్తే.. ఎల్‌కేజీ, యూకేజీల‌కే ల‌క్ష‌లు వసూలు చేస్తున్న ఈ కాలంలో ఒక మిడిల్ క్లాస్ యువ‌కుడు(సుహాస్) త‌న‌కు పిల్ల‌లు పుడితే వారిని ఎలా పెంచాలి, ఎలా చ‌దివించాలి అనే కాన్సెప్ట్‌తో ఈ సినిమా రాబోతుంది. ఈ కాలంలో పిల్ల‌ల‌ను పెంచ‌డం క‌ష్ట‌మ‌ని పిల్ల‌లు వ‌ద్ద‌నుకుంటున్నా సుహాస్‌కు స‌డ‌న్‌గా త‌న భ‌ర్య గ‌ర్భ‌వ‌తి అంటూ షాక్ ఇస్తుంది. అయితే తాను వాడిన కండోమ్ వ‌ల‌నే ఇలా అయ్యిందంటూ నాసిర‌కం కండోమ్‌ల‌ను స‌ప్ల‌య్ చేస్తున్న కంపెనీపై కేసు పెడ‌తాడు. అయితే ఈ కేసు సుహాస్ జీవితంలో ఎలాంటి మ‌లుపు తీసుకుంది. చివ‌ర‌కు తాను కండోమ్ కంపెనీపై పెట్టిన‌ కేసు గెలిచాడా అనేది తెలియాలంటే సినిమా చూడాల్సిందే. ఫ్యామిలీ ఎంట‌ర్‌టైన‌ర్‌గా రాబోతున్న ఈ సినిమాలో సుహాస్‌తో పాటు, సంగీత్, వేన్నెల‌ కిషోర్, రాజేంద్ర ప్రసాద్ త‌దిత‌రులు కీల‌క పాత్ర‌లు పోషిస్తున్నారు.