Anasuya | ఆ సినిమా నా జీవితాన్నే మార్చేసింది.. అనసూయ ఎమోషనల్..

January 10, 2022 / 09:15 AM IST

Jabardasth Anchor Anasuya Bharadwaj | ఒకవైపు యాంకర్‌గా ఉంటూ.. మరోవైపు నటిగా కొనసాగడం అంటే చిన్న విషయం కాదు. కానీ దాన్ని విజయవంతంగా చేసి చూపిస్తుంది అనసూయ భరద్వాజ్. నిజానికి ఈమె రెండు పాత్రలు కాదు మూడు పాత్రల్లో సక్సెస్ ఫుల్ అనిపించుకుంది. ఒక వైపు ఇండస్ట్రీలో ఉంటూనే.. మరోవైపు ఇంట్లో అమ్మ పాత్ర కూడా సమర్థవంతంగా పోషిస్తుంది ఈ సీనియర్ యాంకర్. మరోవైపు కెరీర్ కూడా పర్‌ఫెక్ట్ గా ప్లాన్ చేసుకుంటుంది. తనకు గుర్తింపు తీసుకొచ్చిన జబర్దస్త్ కామెడీ షో ఎంత బిజీగా ఉన్నా కూడా వదిలిపెట్టడం లేదు అనసూయ భరద్వాజ్. మరో వైపు తనకు గుర్తింపు తీసుకొచ్చే పాత్రలు మాత్రమే చేస్తూ సినిమాల్లో దూసుకుపోతుంది.

ఇప్పటి వరకు ఈమె చేసిన క్యారెక్టర్స్ అన్నీ ప్రేక్షకులులకు బాగా గుర్తున్నాయి. అనసూయ కేవలం బుల్లితెరపై మాత్రమే గ్లామర్ షో చేస్తుంది. సినిమాల విషయానికి వచ్చేసరికి మాత్రం కేవలం నటనతోనే ముందుకు వస్తుంది. యాత్ర, క్షణం, రంగస్థలం, కథనం లాంటి సినిమాలు అనసూయలోని నటిని ప్రేక్షకులకు పరిచయం చేశాయి. ఇక మొన్న విడుదలైన పుష్ప సినిమా గురించి ప్రత్యేకంగా చెప్పాల్సిన అవసరం లేదు. అందులో మంగళం శ్రీను భార్య దాక్షాయ‌ని పాత్రలో విలనిజం పండించింది అనసూయ. ఇందులో సునీల్ భార్యగా నటించింది ఈమె. ఈ క్యారెక్టర్ సినిమాలో చిన్నగానే ఉన్నా కూడా గుర్తింపు మాత్రం బాగానే వచ్చింది. అయితే రెండో భాగం మాత్రం అనసూయ పాత్ర నిడివి ఎక్కువగా ఉండబోతుంది. తాజాగా అమెజాన్ ప్రైమ్ వీడియోలో విడుదలై అద్భుతమైన రెస్పాన్స్ తెచ్చుకుంటున్న పుష్ప సినిమాపై మరోసారి ప్రశంసల వర్షం కురిపించింది అనసూయ.

పుష్ప‌ సినిమా తన కెరీర్‌లో గేమ్ ఛేంజర్ అంటూ చెప్పుకొచ్చింది. ఇప్పటి వరకు కేవలం తెలుగు ఇండస్ట్రీలో మాత్రమే తెలిసిన అనసూయ.. ఇప్పుడు అన్ని ఇండస్ట్రీలకు పరిచయమైంది అంటే దానికి కారణం పుష్ప. అందుకే ఈ సినిమా ఎప్పటికీ తన జీవితంలో స్పెషల్ అంటుంది అనసూయ. ప్రస్తుతం తెలుగులో రవితేజ ఖిలాడీ, చిరంజీవి గాడ్ ఫాదర్ సహా మరో మూడు నాలుగు సినిమాలకు కమిట్‌మెంట్‌ ఇచ్చింది. మరోవైపు మలయాళంలో మమ్ముట్టి సినిమాలో హీరోయిన్‌గా కేరళ ప్రేక్షకులకు పరిచయం అవుతుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి