ఛాంగురే ఐటెం సాంగురే..

సందీప్‌కిషన్‌ కథానాయకుడిగా నటిస్తున్న చిత్రం ‘గల్లీరౌడీ’. జి.నాగేశ్వరరెడ్డి దర్శకుడు. కోన వెంకట్‌ సమర్పణలో ఎం.వి.వి.సత్యనారాయణ నిర్మిస్తున్నారు. సీనియర్‌ నటుడు రాజేంద్రప్రసాద్‌ కీలక పాత్రను పోషిస్తున్నారు. ఈ చిత్రంలోని ‘ఛాంగురే ఐటెం సాంగురే..’ అనే గీతాన్ని ఈ నెల 22న కథానాయిక రకుల్‌ప్రీత్‌సింగ్‌ విడుదల చేయబోతున్నది. ఈ గీతానికి సంబంధించిన ప్రోమోను సోమవారం విడుదల చేశారు. ‘వారసత్వంగా రౌడీయిజాన్ని స్వీకరించిన ఓ వ్యక్తి కథ ఇది. యాక్షన్‌, వినోదం ప్రధానంగా సాగుతుంది. ఇప్పటికే విడుదలైన పోస్టర్స్‌, టీజర్స్‌కు మంచి స్పందన లభిస్తోంది. ‘ఛాంగురే ఐటెం సాంగురే’ గీతానికి భాస్కరభట్ల సాహిత్యాన్నందించగా మంగ్లీ, సాయికార్తిక్‌, దత్తుఆలపించారు. ప్రేమ్క్ష్రిత్‌ నృత్యరీతుల్ని సమకూర్చారు’ అని దర్శకుడు తెలిపారు. బాబీసింహ, నేహాశెట్టి, పోసాని కృష్ణమురళి, వెన్నెల కిషోర్‌, వైవా హర్ష తదితరులు నటిస్తున్న ఈ చిత్రానికి కథ: భాను, సంగీతం: చౌరస్తారామ్‌, సాయికార్తీక్‌, దర్శకత్వం: జి.నాగేశ్వర్‌రెడ్డి.