150 కోట్లు దాటిన ఇరుముడి

అగ్ర కథనాయకుడు రవితేజ హీరోగా, శివ నిర్వాణ దర్శకత్వంలో రూపొందిన తాజా బ్లాక్‌బస్టర్‌ ‘ఇరుముడి’ రికార్డ్‌ కలెక్షన్లతో దూసుకుపోతున్నది. రెండోవారం సైతం బలమైన వసూళ్లు నమోదు చేస్తూ రవితేజ కెరీర్‌లోనే టాప్‌ హిట్‌గా నిలిచింది.

అగ్ర కథనాయకుడు రవితేజ హీరోగా, శివ నిర్వాణ దర్శకత్వంలో రూపొందిన తాజా బ్లాక్‌బస్టర్‌ ‘ఇరుముడి’ రికార్డ్‌ కలెక్షన్లతో దూసుకుపోతున్నది. రెండోవారం సైతం బలమైన వసూళ్లు నమోదు చేస్తూ రవితేజ కెరీర్‌లోనే టాప్‌ హిట్‌గా నిలిచింది. ఇప్పటికే ఈ సినిమా ప్రపంచవ్యాప్తంగా 150 కోట్ల గ్రాస్‌ని క్రాస్‌ చేసిందని నిర్మాతలు నవీన్‌ యెర్నేని, రవిశంకర్‌ తెలిపారు. రవితేజ కెరీర్‌లోనే ఇది రికార్డ్‌ కావడం విశేషం.

ఈ సెన్సేషనల్‌ రన్‌లో నైజాం ఏరియా కీలకంగా నిలిచిందని, కేవలం నైజాంలోనే 50కోట్లకు పైగా గ్రాస్‌ని ఈ సినిమా వసూళ్లు చేసిందని, మిగతా ఏరియాల్లోనూ మంచి వసూళ్లు వస్తున్నాయని, బిగ్గెస్ట్‌ రీజనల్‌ హిట్స్‌లో ‘ఇరుముడి’ ఒకటిగా నిలిచిందని, నిర్మాతలకు, పంపిణీదారులకు, థియేటర్‌ యజమానులకు అత్యంత లాభదాయక చిత్రంగా ‘ఇరుముడి’ నిలిచిందని నిర్మాతలు తెలిపారు. రెండోవారంలోనూ పలు సెంటర్లలో హౌస్‌ఫుల్స్‌ కొనసాగుతున్నాయని, ఈ జోరు ఇలాగే కొన్ని రోజులపాటు కొనసాగుతుందని నిర్మాతలు అంచనా వేస్తున్నారు.