నవీన్చంద్ర హీరోగా రూపొందుతోన్న హారర్ క్రైమ్ వెబ్సిరీస్ ‘ఇన్స్పెక్టర్ రిషి’. సునైన, కన్నా రవి, శ్రీకృష్ణ దయాల్, మాలినీ జీవరత్నం, కుమార్ వేల్ కీలక పాత్రధారులు. నందిని జె.ఎస్ దర్శకత్వంలో సుఖ్దేవ్ లాహిరి నిర్మిచారు. ఈ నెల 29న అమెజాన్ ఒరిజినల్గా తెలుగు, తమిళ, కన్నడ, మలయాళ, హిందీ భాషల్లో ఈ సిరీస్ స్ట్రీమింగ్ కానుంది. ఈ సందర్భంగా హైదరాబాద్లో ఏర్పాటు చేసిన విలేకరుల సమావేశంలో చిత్ర యూనిట్ మాట్లాడారు. ‘చిన్నప్పట్నుంచీ హారర్ సినిమాలు చూడటం, హారర్ కథలు చదవడం ఇష్టం. ఆ ఇష్టంతో తయారు చేసుకున్న కథ ఇది. ఇదొక వెరైటీ కంటెంట్. అందరికీ నచ్చే సిరీస్ అవుతుంది’ అని దర్శకురాలు నందిని చెప్పారు. అన్ని ఎమోషన్సూ ఉన్న హారర్ థ్రిల్లర్ ఇదని, ఇలాంటి కేరక్టర్ దొరకడం అదృష్టంగా భావిస్తున్నానని, వందరోజులు కష్టపడి ఈ సినిమాకు పనిచేశానని, షూటింగ్ పూర్తయ్యాక ఇంటికెళ్తే ఈ సిరీస్లోని దెయ్యం బెడ్ రూమ్లోకి వచ్చిన ఫీలింగ్ కలిగేదని, అలాంటి భావనే ఆడియన్స్కి కలుగుతుందని హీరో నవీన్చంద్ర అన్నారు.