న్యూయార్క్ : హ్యారీపాటర్ సినిమాల్లో హాగ్రిడ్గా నటించిన స్కాట్లాండ్ నటుడు రాబీ కొల్ట్రేన్ మరణించారు. 72 ఏండ్ల వయసులో శుక్రవారం రాబీ కొల్ట్రేన్ తుదిశ్వాస విడిచారు. ఐటీవీ డిటెక్టివ్ డ్రామా క్రాకర్తో పాటు గోల్డెన్ఐ, ది వరల్డ్ ఈజ్ నాట్ ఎనఫ్ వంటి జేమ్స్ బాండ్ సినిమాల్లో ఆయన కనిపించినా హ్యారీపాటర్ ఫిల్మ్స్తోనే ఎక్కువ గుర్తింపు పొందారు.
డేనియల్ రాడ్క్లిఫ్, ఎమ్మా వాట్సన్, రూపర్ట్ గ్రింట్ వంటి వారితో కలిసి హ్యారిపాటర్ సిరీస్లో రాబీ కొల్ట్రేన్ నటన ప్రేక్షకులను విశేషంగా ఆకట్టుకుంది. రాబీ మరణం పట్ల పలువురు హాలీవుడ్ సెలబ్రిటీలు సంతాపం వ్యక్తం చేశారు.
రాబీ కోల్ట్రెన్ అసాధారణ నైపుణ్యాలు కలిగిన వారని, ఆయన మరణం అత్యంత బాధాకరమని, ఆయన కుటుంబ సభ్యులకు ప్రగాఢ సానుభూతి తెలియచేస్తున్నానని హ్యారీపాటర్ రచయిత్రి జేకే రౌలింగ్ ట్వీట్ చేశారు.