Malvika Nair | నా వ్యక్తిత్వానికి దగ్గరగా ఉంటుంది

‘ఇప్పటివరకు నేను సున్నితమైన పాత్రల్లోనే కనిపించాను. కానీ ‘అన్నీ మంచి శకునములే’ చిత్రంలో మాత్రం చాలా భిన్నమైన రోల్‌లో కనిపిస్తాను’ అని చెప్పింది మాళవిక నాయర్‌. ఆమె సంతోష్‌శోభన్‌ సరసన కథానాయికగా నటిస్తున్న ఈ చిత్రానికి నందిని రెడ్డి దర్శకత్వం వహిస్తున్నారు.

‘ఇప్పటివరకు నేను సున్నితమైన పాత్రల్లోనే కనిపించాను. కానీ ‘అన్నీ మంచి శకునములే’ చిత్రంలో మాత్రం చాలా భిన్నమైన రోల్‌లో కనిపిస్తాను’ అని చెప్పింది మాళవిక నాయర్‌. ఆమె సంతోష్‌శోభన్‌ సరసన కథానాయికగా నటిస్తున్న ఈ చిత్రానికి నందిని రెడ్డి దర్శకత్వం వహిస్తున్నారు. ప్రియాంకదత్‌ నిర్మాత. మే 18న విడుదలకానుంది.

ఈ సందర్భంగా మాళవిక నాయర్‌ మాట్లాడుతూ ‘ఈ సినిమాలో స్వతంత్ర భావాలు కలిగిన యువతి పాత్రలో కనిపిస్తా. మనసులో ఏదీ దాచుకోకుండా నిజాయితీగా అభిప్రాయాల్ని వ్యక్తం చేస్తాను. నా వ్యక్తిత్వానికి దగ్గరగా కనిపించే పాత్ర ఇది. దర్శకురాలు నందిని రెడ్డి రెండేళ్ల క్రితమే ఈ కథ చెప్పారు. అద్భుతంగా అనిపించింది.

ఈ కథ ఎక్కువ భాగం హిల్‌స్టేషన్‌ నేపథ్యంలో సాగుతుంది. సినిమా జయాపజయాల గురించి నేను ఎక్కువగా ఆలోచించను. కథను ఎంచుకోవడం, నటించడం మాత్రమే నా చేతిలో ఉంటుంది. మిగతా ఏ విషయాల్ని అంతగా పట్టించుకోను. వృత్తిపరంగా ప్రతీ విషయంలో నిజాయితీగా ఉంటాను. సక్సెస్‌ కంటే అదే ముఖ్యమని భావిస్తా. ప్రస్తుతం ‘డెవిల్‌’ సినిమాలో ఓ ఇంట్రెస్టింగ్‌ క్యారెక్టర్‌ చేస్తున్నా. భవిష్యత్తులో యాక్షన్‌ సినిమా చేయాలనుంది’ అని చెప్పింది.