లాస్ఏంజెలస్: ప్రముఖ హాలీవుడ్ నటుడు క్రిస్టియన్ ఒలివర్ (Christian Oliver), అతని ఇద్దరు కూతుళ్లు విమాన ప్రమాదంలో మరణించారు. వెకేషన్లో భాగంగా ఒలివర్ తన కుటుంబంతో కలిసి గ్రెనడైన్స్లోని బెక్వియా ద్వీపం నుంచి సెయింట్ లూసియాకు వెళ్తున్నారు. ఈ క్రమంలో బెక్వియాలో టేక్ఆఫ్ అయిన కొద్దిసేపటికే విమానం కరీబియన్ సముద్రంలో (Caribbean Sea) కుప్పకూలింది. దీంతో 51 ఏండ్ల ఒలివర్తోపాటు ఆయన ఇద్దరు కుమార్తెలు మడిత, అన్నీక్ అక్కడికక్కడే మరణించారు. ఈ ప్రమాదంలో పైలట్కూడా మృతిచెందారు. సమాచారం అందుకున్న కోస్ట్గార్డ్ సిబ్బంది మత్స్యకారులతో కలిసి వారి మృతదేహాలను వెలికితీశారు.
జర్మనీలో పుట్టిన ఒలివర్.. ‘ది గుడ్ జర్మన్’ అనే సినిమాతో వెండితెరకు పరిచయమయ్యారు. 2008లో వచ్చిన యాక్షన్-కామెడీ చిత్రం ‘స్పీడ్ రేసర్’లో జార్జ్ క్లూనీతో కలిసి బిగ్ స్క్రీన్పై కనిపించారు. కెరీర్ ప్రారంభంలో టీవీ షోలు చేసిన ఆయన ఇప్పటివరకు ఆయన 60కిపైగా సినిమాల్లో నటించారు.