హోలీ స్పెష‌ల్‌..‘రంగ్ దే’ 4 డేస్ కలెక్షన్స్

సినిమా బాగా ఆడుతున్నపుడు అనుకోకుండా సెలవులు వస్తే ఇక ఆ దర్శక నిర్మాతల సంతోషానికి అవధులుండవు. ఇప్పుడు రంగ్ దే సినిమా విషయంలోనూ ఇదే జరుగుతుంది. నితిన్, కీర్తి సురేష్ జంటగా వెంకీ అట్లూరీ తెరకెక్కించిన ఈ చిత్రం నాలుగో రోజు కూడా మంచి వసూళ్లు సాధించింది. రొమాంటిక్ ఫ్యామిలీ ఎంటర్ టైనర్ గా వచ్చిన రంగ్ దే తొలి మూడు రోజుల్లో 12 కోట్ల షేర్ వసూలు చేసింది. నాలుగో రోజు హోలీ కావడం.. సెలవు రోజు రావడంతో మంచి వసూళ్లనే సాధించింది ఈ చిత్రం.

నాలుగో రోజు దాదాపు 1.56 కోట్లకు పైగా షేర్ వసూలు చేసింది రంగ్ దే. గతవారం విడుదలైన సినిమాల్లో కాస్త మంచి టాక్ వచ్చిన సినిమా ఇదే కావడంతో కలెక్షన్స్ కూడా స్టడీగానే ఉన్నాయి. తొలిరోజు 5.43 కోట్ల షేర్ వసూలు చేసిన ఈ చిత్రం..రెండు, మూడు, నాలుగు రోజులు కూడా పర్లేదు అనిపించింది. ఈ సినిమా 24 కోట్ల ప్రీ రిలీజ్ బిజినెస్ చేసింది. ఇప్పటి వరకు 13.85 కోట్ల షేర్ వసూలు చేసింది.

‘రంగ్ దే’ 4 రోజుల కలెక్షన్స్..

నైజాం: 4.65 కోట్లు
ఉత్తరాంధ్ర: 1.51 కోట్లు
సీడెడ్: 1.76 కోట్లు
ఈస్ట్: 92 లక్షలు
వెస్ట్: 66 లక్షలు
గుంటూరు: 1.20 కోట్లు
కృష్ణా: 60 లక్షలు
నెల్లూరు: 46 లక్షలు

ఏపీ, తెలంగాణ 4 రోజుల మొత్తం: 11.55 కోట్లు (18.22 కోట్ల గ్రాస్)
కర్ణాటక+రెస్టాఫ్ ఇండియా: 68 లక్షలు
ఓవర్సీస్: 1.62 కోట్లు

4 రోజుల వరల్డ్ వైడ్ టోటల్ : 13.85 కోట్లు (23.60 కోట్ల గ్రాస్)

ఈ సినిమా సేఫ్ కావాలంటే మరో 10 కోట్లు వసూలు చేయాలి. ప్రస్తుతం టాక్ బాగానే ఉండటంతో వీక్ డేస్ కూడా ఇదే కంటిన్యూ కావాలి. ఈ వారం వైల్డ్ డాగ్, సుల్తాన్ లాంటి సినిమాల నుంచి వచ్చే పోటీని తట్టుకుని నిలబడితే నితిన్ హిట్ కొట్టినట్లే. చూడాలిక ఏం చేస్తాడో..?