Hit-2 Movie | సైలెంట్‌గా ఓటీటీలోకి వచ్చేసిన హిట్‌-2.. కానీ?

మేజర్‌తో పాన్‌ ఇండియా రేంజ్‌లో హిట్టు కొట్టిన అడివిశేష్‌.. ఇటీవలే హిట్టు-2తో మరో బ్లాక్‌బస్టర్‌ సాధించాడు. సైలేష్‌ కొలను దర్శకత్వం వహించిన ఈ చిత్రం డిసెంబర్‌ 2న విడుదలై సంచలన విజయం సాధించింది.

Hit-2 Movie | టాలీవుడ్‌ యంగ్‌ హీరో అడివిశేష్ బ్యాక్‌ టు బ్యాక్‌ హిట్లతో జోరుమీదున్నాడు. తన థ్రిల్లర్‌ జానర్‌లో కంఫర్ట్‌గా సినిమాలు చేసుకుంటూ వరుసగా హిట్లు కొడుతున్నాడు. గతేడాది ద్వితియార్థంలో మేజర్‌తో పాన్‌ ఇండియా రేంజ్‌లో హిట్టు కొట్టిన అడివిశేష్‌.. ఇటీవలే హిట్టు-2తో మరో బ్లాక్‌బస్టర్‌ సాధించాడు. సైలేష్‌ కొలను దర్శకత్వం వహించిన ఈ చిత్రం డిసెంబర్‌ 2న విడుదలై సంచలన విజయం సాధించింది. ఫస్ట్‌ వీకెండ్‌లోనే బ్రేక్‌ ఈవెన్‌ పూర్తి చేసుకుని లాభాల బాట పట్టింది. ఇక ఇదిలా ఉంటే ఈ సినిమా డిజిటల్‌ రిలీజ్‌ కోసం ఓటీటీ ప్రియులు ఎంతగానో ఎదురు చూస్తున్నారు.

తాజాగా ఈ సినిమా ఓటీటీలోకి వచ్చేసింది. ప్రముఖ ఓటీటీ సంస్థ అమెజాన్‌ ప్రైమ్‌లో ఈ మూవీ స్ట్రీమింగ్‌ అవుతుంది. అయితే ప్రస్తుతం ఈ సినిమా పే పర్‌ వ్యూ పద్ధతిలో ఉంది. ఈ సినిమాను చూడాలంటే సబ్‌స్క్రిప్షన్‌ ఉన్న వాళ్లు అదనంగా రూ.199 రెంటు కట్టి చూడాల్సి ఉంటుంది. ఈ పద్దతి మూడు రోజులు మాత్రమే కొనసాగనున్నట్లు తెలుస్తుంది. జనవరి 6నుండి సబ్‌స్క్రిప్షన్‌ ఉన్నవాళ్లు ఫ్రీగా చూసే వెసులుబాటు కల్పించనున్నట్లు టాక్. కమర్షియల్‌గా ఈ సినిమా అడివి శేష్‌కు వరుసగా ఆరో విజయం. ఈ మధ్య కాలంలో హ్యట్రిక్‌ సాధించడమే గగనంలా ఉంది. అలాంటిది శేష్ డబుల్‌ హ్యట్రిక్‌ సాధించాడంటే విశేషం అనే చెప్పాలి.

సస్పెన్స్ థ్రిల్లర్ నేపథ్యంలో తెరకెక్కిన ఈ చిత్రం హిట్‌ యూనివర్స్‌లో భాగంగా తెరకెక్కింది. ఈ చిత్రంలో అడివిశేష్‌కు జోడీగా మీనాక్షీ చౌదరీ నటించింది. కోమలి ప్రసాద్‌, రావు రమేష్‌ కీలకపాత్రల్లో నటించిన ఈ చిత్రాన్ని వాల్‌ పోస్టర్‌ సినిమాస్‌ బ్యానర్‌పై హీరో నాని, ప్రశాంత్ తిపిరినేని నిర్మించాడు. ఇక మూడో పార్ట్‌లో నాని కథానాయకుడిగా నటించనున్నాడు.