రజనీకాంత్‌ జోడీగా..

సుదీర్ఘ కెరీర్‌లో అగ్ర హీరోలందరితో తెరను పంచుకుంది కథానాయిక తమన్నా. అయితే సూపర్‌స్టార్‌ రజనీకాంత్‌తో మాత్రం సినిమా చేయలేదు. తాజాగా ‘జైలర్‌' చిత్రంతో తమన్నా కోరిక నెరవేరింది. రజనీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో ‘జైలర్‌' చిత్రాన్ని రూపొందిస్తున్నారు.

సుదీర్ఘ కెరీర్‌లో అగ్ర హీరోలందరితో తెరను పంచుకుంది కథానాయిక తమన్నా. అయితే సూపర్‌స్టార్‌ రజనీకాంత్‌తో మాత్రం సినిమా చేయలేదు. తాజాగా ‘జైలర్‌’ చిత్రంతో తమన్నా కోరిక నెరవేరింది. రజనీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో ‘జైలర్‌’ చిత్రాన్ని రూపొందిస్తున్నారు. ఈ సినిమాలో కథానాయికగా తమన్నా నటిస్తున్నట్లు చిత్ర నిర్మాణ సంస్థ సన్‌ పిక్చర్స్‌ తెలిపింది. తమన్నా సెట్‌లో అడుగుపెట్టిందనే విషయాన్ని ప్రకటిస్తూ ఫస్ట్‌లుక్‌ను విడుదల చేసింది. రజనీకాంత్‌తో కలిసి నటించడం పట్ల తమన్నా ఆనందం వ్యక్తం చేసింది. తన చిరకాల స్వప్నం నెరవేరిందని పేర్కొంది. దాదాపు మూడేళ్ల విరామం తర్వాత తమన్నా తమిళ చిత్రంలో నటిస్తుండటం విశేషం. ‘జైలర్‌’ చిత్రం ఏప్రిల్‌ 14న ప్రేక్షకుల ముందుకురానుంది.