Adah Sharma | అదికూడా తప్పంటే ఎలా? చాలా బాధగా ఉంది: ఆదాశర్మ

ఆదాశర్మ ఎంత మంచి నటో ‘ది కేరళ స్టోరీ’ చూస్తే అర్థమవుతుంది. తెలుగులో ఆమె స్థాయి తగ్గ పాత్రలు ఆమెకు రాలేదనే చెప్పాలి. కేరక్టర్‌కోసం ఎంతటి సాహసానికైనా వెనుకాడని నటి ఆదాశర్మ. ఆమె నటించిన ‘బస్తర్‌' చిత్రం ఈ నెల 15న విడుదలై పాజిటివ్‌ టాక్‌ తెచ్చుకుంది.

Adah Sharma | ఆదాశర్మ ఎంత మంచి నటో ‘ది కేరళ స్టోరీ’ చూస్తే అర్థమవుతుంది. తెలుగులో ఆమె స్థాయి తగ్గ పాత్రలు ఆమెకు రాలేదనే చెప్పాలి. కేరక్టర్‌కోసం ఎంతటి సాహసానికైనా వెనుకాడని నటి ఆదాశర్మ. ఆమె నటించిన ‘బస్తర్‌’ చిత్రం ఈ నెల 15న విడుదలై పాజిటివ్‌ టాక్‌ తెచ్చుకుంది. అయితే.. ఆ ఆనందం మాత్రం ఆమెకు లేదట. కారణం కొందరు నెటిజన్స్‌. ఈ సినిమా ఒప్పుకున్న దగ్గర్నుంచీ ఆమెపై ట్రోలింగ్‌ మొదలైందట. వ్యక్తిగత సాంఘిక మాధ్యమంలో ఆమె ఏ పోస్ట్‌ పెట్టుకున్నా కామెట్స్‌ మాత్రం ‘బస్తర్‌’ చిత్రాన్ని ఉద్దేశించే ఉంటున్నాయని అసహనం వ్యక్తం చేసింది ఆదాశర్మ.

‘కథల ఎంపిక పూర్తిగా నా వ్యక్తిగతం. నాకు నచ్చిన కథ అంగీకరిస్తా. అదికూడా తప్పంటే ఎలా? ‘ది కేరళ స్టోరీ’ టైమ్‌లో కూడా ఇలాగే మాట్లాడారు. అసభ్యంగా పోస్టులు పెట్టారు. చాలా బాధేసింది. స్వతంత్య్రభారతదేశంలో నచ్చిన కథలతో సినిమా తీసుకునే హక్కు మాకు లేదా? అసలు ఈ సినిమాలో నేను నటిస్తున్నానని అధికారిక ప్రకటన రాకముందే నాపై ట్రోల్స్‌ మొదలయ్యాయి. సినిమా విడుదలయ్యాక ట్రోల్స్‌ ఎక్కువైపోయాయి. నేను పువ్వుల ఫొటో పెట్టినా దానికి ఇబ్బందికరమైన కామెంట్స్‌ చేస్తున్నారు. కొందరైతే ఒకడుగు ముందుకేసి ‘వేశ్య’ లాంటి పదాలు కూడా వాడుతున్నారు. చాలా బాధగా ఉంది.’ అంటూ వాపోయింది ఆ దాశర్మ. అసలు ‘బస్తర్‌’లో ఏముంది? అనే విషయానికొస్తే.. ఇది నక్సల్‌ నేపథ్యంలో సాగే సినిమా. ‘ది నక్సల్‌ స్టోరి’ అనేది ఉపశీర్షిక. సమాజంలోని పలు వివాదాస్పద అంశాలతో దర్శకులు సుదీప్తోసేన్‌ చిత్రాన్ని తెరకెక్కించారు.