Vijay Antony | మరో విభిన్న కథతో వచ్చిన విజయ్‌ అటోనీ.. 1921లో జరిగిన సంఘటన ఆధారంగా మూవీ

Vijay Antony | విజయ్‌ ఆంటోని హీరోగా నటిస్తున్న తాజా చిత్రం ‘హత్య’. బాలాజీ కుమార్‌ దర్శకుడు. రితికా సింగ్‌, మీనాక్షి చౌదరి నాయికలుగా నటిస్తున్నారు. ఈ నెల 21న విడుదల కానుంది. గ్లోబల్‌ సినిమాస్‌, సురేష్‌ ప్రొడక్షన్స్‌ తెలుగులో రిలీజ్‌ చేస్తున్నాయి.

Vijay Antony | విజయ్‌ ఆంటోని హీరోగా నటిస్తున్న తాజా చిత్రం ‘హత్య’. బాలాజీ కుమార్‌ దర్శకుడు. రితికా సింగ్‌, మీనాక్షి చౌదరి నాయికలుగా నటిస్తున్నారు. ఈ నెల 21న విడుదల కానుంది. గ్లోబల్‌ సినిమాస్‌, సురేష్‌ ప్రొడక్షన్స్‌ తెలుగులో రిలీజ్‌ చేస్తున్నాయి. ఆదివారం ప్రీరిలీజ్‌ను వేడుకను నిర్వహించారు. అతిథిగా విచ్చేసిన అడివి శేష్‌ మాట్లాడుతూ “బిచ్చగాడు-2’ పంక్షన్‌కు గెస్ట్‌గా వచ్చాను. ఆ సినిమా సక్సెస్‌ అయింది. ‘హత్య’ ట్రైలర్‌ చూస్తుంటే ఇంటర్నేషనల్‌ సినిమాలా ఉంది. విజయ్‌ ఆంటోని స్వశక్తితో ఎదిగారు. తప్పకుండా ఈ సినిమా పెద్ద విజయం సాధించాలని కోరుకుంటున్నా’ అన్నారు. విజయ్‌ ఆంటోని మాట్లాడుతూ ‘క్రైమ్‌ థ్రిల్లర్‌ చిత్రమిది. ఇందులో నేను డిటెక్టివ్‌ పాత్రను పోషించాను. ఆద్యంతం ఉత్కంఠభరితమైన కథ, కథనాలతో ఈ సినిమా థ్రిల్‌ను పంచుతుంది’ అని చెప్పారు.

‘1923లో జరిగిన ఓ సంఘటన ఆధారంగా ఈ చిత్రాన్ని తెరకెక్కించాను. వినూత్నమైన థ్రిల్లర్‌గా మెప్పిస్తుంది’ అని దర్శకుడు తెలిపారు. విజయ్‌ ఆంటోని ఎంచుకున్న కథలు చాలా కొత్తగా ఉంటాయని హీరో సందీప్‌ కిషన్‌ చెప్పారు. ఈ సినిమాలో తాను లైలా పాత్రలో అలరిస్తారని కథానాయిక మీనాక్షి చౌదరి పేర్కొంది.