Devara Movie | ఎన్టీఆర్ ‘దేవర’లో గుప్పెడంత మనసు బ్యూటీ..బంపర్​ ఆఫర్​ కొట్టేసిన కన్న‌డ భామ‌.!

Devara Movie | టాలీవుడ్ యంగ్ టైగ‌ర్ ఎన్టీఆర్‌ (NTR) హీరోగా న‌టిస్తున్న తాజా చిత్రం ‘దేవర’(Devara). కొరటాల శివ (Koratala Shiva) ద‌ర్శ‌క‌త్వం వ‌హిస్తున్నాడు. ఈ చిత్రంతో శ్రీదేవి గార‌ల‌ప‌ట్టి జాన్వీకపూర్ (Janvi kapoor) తెలుగు ఇండ‌స్ట్రీకి పరిచయం అవుతుంది.

Devara Movie | టాలీవుడ్ యంగ్ టైగ‌ర్ ఎన్టీఆర్‌ (NTR) హీరోగా న‌టిస్తున్న తాజా చిత్రం ‘దేవర’(Devara). కొరటాల శివ (Koratala Shiva) ద‌ర్శ‌క‌త్వం వ‌హిస్తున్నాడు. ఈ చిత్రంతో శ్రీదేవి గార‌ల‌ప‌ట్టి జాన్వీకపూర్ (Janvi kapoor) తెలుగు ఇండ‌స్ట్రీకి పరిచయం అవుతుంది. ఇక ఈ సినిమా రెండు భాగాలుగా రానున్న‌ట్లు మేక‌ర్స్ ప్ర‌క‌టించిన విష‌యం తెలిసిందే. తొలిభాగం 2024 ఏప్రిల్ 5న విడుద‌ల కానుంది. ఇప్పటికే ఈ సినిమా నుంచి తార‌క్ లుక్‌తో పాటు, సైఫ్ అలీఖాన్, జాన్వీకపూర్ లుక్‌ల‌ను రిలీజ్ చేయ‌గా.. ప్రేక్ష‌కుల‌ను ఆక‌ట్టుకున్నాయి. తాజాగా ఈ సినిమా నుంచి ఒక సాలిడ్ న్యూస్ సోష‌ల్ మీడియాలో చ‌క్క‌ర్లు కొడుతుంది.

తెలుగు సీరియల్​ ‘గుప్పెడంత మనసు తో తెలుగు ప్రేక్షకులకు దగ్గరైన కన్నడ భామ జ్యోతి రాయ్​ ‘దేవర’ సినిమాలో ఓ కీలక పాత్ర కోసం ఎంపికైనట్లు తెలుస్తుంది. అయితే ఈ విషయాన్ని మేక‌ర్స్ అధికారికంగా ప్రకటించలేదు కానీ.. రీసెంట్‌గా జ్యోతిరాయ్ సోష‌ల్ మీడియాలో నెటిజ‌న్ల‌తో మాట్లాడుతూ.. ఈ విష‌యాన్ని వెల్ల‌డించింది.

మ‌రోవైపు.. దేవర టీజ‌ర్‌ను డిసెంబ‌ర్ 22న విడుద‌ల చేయ‌నున్న‌ట్లు మేక‌ర్స్ ప్లాన్ చేస్తున్నారు. డిసెంబ‌ర్ 22న రెండు పాన్ ఇండియా సినిమాలు సలార్, డంకీ విడుద‌ల అవుతున్న విష‌యం తెలిసిందే. అదేరోజున ఈ సినిమాల‌తో దేవర టీజ‌ర్‌ను థియేటర్స్‌లో విడుద‌ల చేయ‌నున్న‌ట్లు స‌మాచారం. ఒకవేళ ఇదే నిజమైతే మాత్రం దేవరకి సాలిడ్ రీచ్ దొరికేసినట్లే. ఓవర్సీస్‌లో డంకీ సినిమాకి, ఇండియాలో సలార్ సినిమాకి సాలిడ్ బజ్ ఉంది కాబట్టి ఈ సినిమాలకి పాటు దేవర టీజర్ అటాచ్ చేస్తే బాగుంటుంది అని మేక‌ర్స్ అలోచిస్తున్న‌ట్లు స‌మాచారం. కాగా దీనిపై చిత్ర‌బృందం నుంచి అధికారిక ప్ర‌క‌ట‌న రావాల్సి ఉంది.