‘భీమా’ దుష్టశిక్షణ

‘దర్శకుడు హర్ష ఈ కథను ఎంత బాగా చెప్పాడో అంతే బాగా తెరకెక్కించాడు. ఈ సినిమా కోసం టెక్నీషియన్స్‌ అందరూ అద్భుతంగా పనిచేశారు. మహాశివరాత్రి రోజున ప్రేక్షకులకు కొత్త అనుభూతినందిస్తుంది’ అన్నారు గోపీచంద్‌. ఆయన కథానాయకుడిగా ఏ.హర్ష దర్శకత్వంలో రూపొందిన చిత్రం ‘భీమా’.

‘దర్శకుడు హర్ష ఈ కథను ఎంత బాగా చెప్పాడో అంతే బాగా తెరకెక్కించాడు. ఈ సినిమా కోసం టెక్నీషియన్స్‌ అందరూ అద్భుతంగా పనిచేశారు. మహాశివరాత్రి రోజున ప్రేక్షకులకు కొత్త అనుభూతినందిస్తుంది’ అన్నారు గోపీచంద్‌. ఆయన కథానాయకుడిగా ఏ.హర్ష దర్శకత్వంలో రూపొందిన చిత్రం ‘భీమా’. శ్రీసత్యసాయి ఆర్ట్స్‌ పతాకంపై కె.కె.రాధామోహన్‌ నిర్మించారు. మహాశివరాత్రి కానుకగా మార్చి 8న విడులదకానుంది. శనివారం ట్రైలర్‌ను విడుదల చేశారు. దుష్ట శిక్షణ కోసం ఎంతకైనా తెగించే పోలీస్‌ ఆఫీసర్‌ పాత్రలో గోపీచంద్‌ పాత్రను ప్రజెంట్‌ చేసిన విధానం ఆకట్టుకుంది.

యాక్షన్‌, మాస్‌ అంశాలతో ట్రైలర్‌ మెప్పించింది. ఈ సందర్భంగా గోపీచంద్‌ మాట్లాడుతూ ‘దర్శకుడు హర్ష కన్నడంలో ప్రతిభావంతుడిగా పేరు తెచ్చుకున్నాడు. ఈ సినిమాతో తెలుగులో కూడా గుర్తింపు దక్కుతుంది. కథలోని ఫ్యామిలీ ఎలిమెంట్స్‌ అందరికి కనెక్ట్‌ అవుతాయి’ అన్నారు. ప్రేక్షకులకు అద్భుతమైన థియేట్రికల్‌ ఎక్స్‌పీరియన్స్‌ అందించే చిత్రమిదని దర్శకుడు హర్ష తెలిపారు. భారీ స్థాయిలో చిత్రాన్ని విడుదల చేయబోతున్నామని నిర్మాత కె.కె.రాధామోహన్‌ అన్నారు.