Good Luck Sakhi Review | తెలుగులో లేడీ ఓరియెంటెడ్ సినిమాలు చేసే హీరోయిన్లు అరుదుగా ఉన్నారు. అనుష్క తర్వాత ఆ స్థాయిలో వరుసగా లేడీ ఓరియెంటెడ్ సినిమాలు చేస్తూ దూసుకుపోతున్న ముద్దుగుమ్మ కీర్తి సురేశ్. మహానటి సినిమా తర్వాత ఈమెకు డిమాండ్ బాగా పెరిగిపోయింది. మిస్ ఇండియా, పెంగ్విన్ అంటూ వరుసగా లేడీ ఓరియెంటెడ్ సినిమాలు చేస్తోంది కీర్తి సురేశ్. ఈ క్రమంలో ఆమె చేసిన మరో లేడీ ఓరియెంటెడ్ సినిమా గుడ్ లక్ సఖి.
నేషనల్ అవార్డు విన్నింగ్ డైరెక్టర్ నగేశ్ కుకునూర్ తెరకెక్కించిన గుడ్ లక్ సఖి సినిమాపై ముందు నుంచి కూడా అందరికీ బాగానే ఆసక్తి ఉంది. పైగా దేవిశ్రీ ప్రసాద్ సంగీతం అందించడంతో క్యూరియాసిటీ పెరిగిపోయింది. ట్రైలర్ బాగుండటం.. అవార్డు విన్నింగ్ టెక్నీషియన్స్ పనిచేయడంతో కచ్చితంగా గుడ్ లక్ సఖి సినిమాతో కీర్తి సురేశ్ ఆకట్టుకుంటుందని అందరూ అనుకున్నారు. అయితే ఇప్పుడు విడుదల తర్వాత అనుకున్నది ఒక్కటి అయినది ఒక్కటి అన్నట్లు ఉంది పరిస్థితి. జనవరి 28న ఏపీ తెలంగాణలో దాదాపు 550 థియేటర్లలో విడుదలైన ఈ సినిమాకు నెగెటివ్ టాక్ వచ్చింది. సోలో రిలీజ్ దొరకడంతో పాజిటివ్ టాక్ వస్తే కచ్చితంగా సినిమాకు మంచి కలెక్షన్స్ వస్తాయని డిస్ట్రిబ్యూటర్స్ వేసుకున్న అంచనాలు తలకిందులు అవుతున్నాయి. ఈ సినిమాకు కలెక్షన్స్ కూడా నామమాత్రంగానే వస్తున్నాయి. తెలుగు రాష్ట్రాల్లో కనీసం 35 శాతం ఓపెనింగ్స్ కూడా గుడ్ లక్ సఖి సినిమాకు రాలేదని ట్రేడ్ వర్గాల నుంచి వస్తున్న సమాచారం.
తన పాత్ర వరకు కీర్తి సురేశ్ అదరగొట్టింది. జగపతి బాబు, ఆది పినిశెట్టి కూడా బాగానే నటించారు. కానీ నెమ్మదిగా సాగే స్క్రీన్ ప్లే, నెరేషన్ తోనే అసలు సమస్య వచ్చిందని అంటున్నారు ప్రేక్షకులు. మహానటి సినిమా తర్వాత స్క్రిప్ట్ సెలక్షన్ విషయంలో కీర్తి సురేశ్ తడబడుతుందని ఆమె చేస్తున్న సినిమాలను చూస్తే అర్థమవుతుందని విశ్లేషకులు అభిప్రాయపడుతున్నారు. కచ్చితంగా మరో బ్లాక్ బస్టర్ పడితే తప్ప ఇకపై ఈమెతో లేడీ ఓరియెంటెడ్ సినిమాలు చేయడానికి నిర్మాతలు ధైర్యం చేయరని అంటున్నారు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Follow us on Google News
చరణ్, కీర్తి మధ్య సూపర్ కెమిస్ట్రీ, జంటగా సినిమా ఎప్పుడో మరి
Keerthy Suresh | వెరైటీ చీరకట్టులో కీర్తి సురేష్ అదిరిపోయే ఫొటోషూట్..
Keerthy Suresh | చీరకట్టులో కైపెక్కిస్తున్న మహానటి..
Keerthy Suresh: చెల్లెలు పాత్ర కోసం రెండు కోట్ల రెమ్యునరేషనా..!