Good Luck Jerry | జాన్వీక‌పూర్ మ‌రో సినిమా నేరుగా ఓటీటీలోకి

అతిలోక సుంద‌రి శ్రీదేవి త‌న‌యిక‌గా ఇండ‌స్ట్రీలోకి వ‌చ్చి త‌న‌కంటూ ప‌త్యేక స్థానాన్ని ఏర్ప‌రచుకున్న న‌టి జాన్వీక‌పూర్. ప్ర‌స్తుతం ఈమె న‌టించిన మ‌రో చిత్రం నేరుగా ఓటీటీలోకి రానుంది.

Good Luck Jerry | అతిలోక సుంద‌రి శ్రీదేవి త‌న‌యిక‌గా ఇండ‌స్ట్రీలోకి వ‌చ్చి త‌న‌కంటూ ప‌త్యేక స్థానాన్ని ఏర్ప‌రచుకున్న న‌టి జాన్వీక‌పూర్. ‘ధ‌డ‌క్’ సినిమాతో సినీరంగంలోకి ఎంట్రీ ఇచ్చిన ఈ భామ తన‌ మొద‌టి సినిమాతోనే మంచి విజ‌యాన్ని సాధించింది. ఈ చిత్రంలో ఈమె న‌ట‌న‌, అభినయంకు మంచి ప్ర‌శంస‌లు ద‌క్కాయి. ఇప్ప‌టివ‌ర‌కు చేసింది త‌క్కువ సినిమాలేనైనా ఈమెకు విప‌రీత‌మైన ఫ్యాన్ ఫాలోయింగ్ ఏర్ప‌డింది. సోష‌ల్ మీడియాలో ఎప్పుడూ యాక్టీవ్‌గా ఉంటూ త‌ర‌చు ఫోటోల‌ను పెడుతుంటుంది. ప్ర‌స్తుతం ఈమె న‌టించిన మ‌రో చిత్రం నేరుగా ఓటీటీలోకి రానుంది.

గ‌తంలో ఈమె న‌టించిన ‘గుంజ‌న్ స‌క్సెనా’ నేరుగా నెట్‌ఫ్లిక్స్‌లో విడుద‌లై మంచి వ్యూవ‌ర్ షిప్‌ను సాధించింది.తాజాగా ఈమె న‌టించిన మ‌రో చిత్రం నేరుగా ఓటీటీ బాట ప‌ట్ట‌నుంది. ఈమె ప్ర‌ధాన పాత్ర‌లో న‌టించిన ‘గుడ్ ల‌క్ జెర్రీ’ నేరుగా ఓటీటీ విడుద‌ల‌కు సిద్ధ‌మైంది. ఈ చిత్రాన్ని ప్ర‌ముఖ ఓటీటీ సంస్థ డిస్నీ+హాట్‌స్టార్ సంస్థ ఈ చిత్ర హ‌క్కుల‌ను భారీ ధ‌ర‌కు విక్ర‌యంచింద‌ని స‌మ‌చారం. సిద్ధార్థ్ సెంగుప్తా ద‌ర్శ‌క‌త్వం వ‌హించిన ఈ చిత్రాన్ని ఆనంద్ ఎల్‌రాయ్‌తో క‌లిసి సుభాస్క‌ర‌ణ్ నిర్మించాడు. ఈ చిత్రం త‌మిళంలో సూప‌ర్ హిట్ట‌యిన ‘కొల‌మ‌వు కోకిలా’ సినిమాకు రీమేక్‌గా తెర‌కెక్కింది. నయ‌న‌తార ప్ర‌ధాన పాత్ర‌లో న‌టించిన ఈ చిత్రానికి నెల్స‌న్ కుమార్ ద‌ర్శ‌క‌త్వం వ‌హించాడు. తెలుగులో ఈ చిత్రం ‘కోకోకోకిల’ టైటిల్‌తో డ‌బ్ అయింది.