రాశీఖన్నా భయపెట్టడానికి సిద్ధమవుతోంది. కెరీర్లో తొలిసారి ఆమె నటించిన హారర్ చిత్రం ‘అంతఃపురం’. సుందర్.సి దర్శకత్వం వహిస్తూ హీరోగా నటించారు. గంగ ఎంటర్టైన్మెంట్స్ సంస్థ నిర్మిస్తున్నది. ఆర్య, ఆండ్రియా కీలక పాత్రల్ని పోషిస్తున్నారు. ఈ నెల 31న విడుదలకానుంది. నిర్మాతలు మాట్లాడుతూ ‘తమిళంలో విజయవంతమైన ‘అరాణ్మణై-3’కి అనువాదమిది. ఆద్యంతం నవ్విస్తూనే భయపెడుతుంది. ఓ అంతఃపురంలో చోటుచేసుకున్న అనూహ్య పరిణామాలేమిటి? అందులోని ఆత్మ ఎవరిపై ప్రతీకారం తీర్చుకోవడానికి ఎదురుచూస్తున్నదనేది ఉత్కంఠను పంచుతుంది. రాశీఖన్నా నటన, గ్లామర్ సినిమాకు ప్రధానాకర్షణగా నిలుస్తాయి’ అని తెలిపారు. సాక్షి అగర్వాల్, వివేక్ ప్రధాన పాత్రల్లో నటిస్తున్న ఈ చిత్రానికి యాక్షన్:పీటర్ హెయిన్, సంగీతం: సత్య.సి.