Bigg boss 5 telugu | బిగ్ బాస్ హౌస్‌లోకి మొద‌టి కంటెస్టెంట్ ఎంట్రీ

September 5, 2021 / 08:18 PM IST

siri hanmanth | తెలుగు ప్రేక్ష‌కులు ఎప్పుడెప్పుడా అని ఎక్జ‌యిటింగ్ గా ఎదురుచూస్తున్న బిగ్ బాస్ సీజ‌న్ 5 (Bigg Boss Season 5) షో మొద‌లైంది. ఇవాళ సాయంత్రం 6 గంట‌ల‌కు గ్రాండ్ గా ప్ర‌సార కార్య‌క్ర‌మం ప్రారంభ‌మైంది. బిగ్ బాస్ తాజా సీజ‌న్ లో తొలి కంటెస్టెంట్ గా సిరి హ‌న్మంత్ ఎంట్రీ ఇచ్చింది. క్రాక్ సినిమాలోని భూంబ‌ద్ద‌లు పాట‌కు ఇర‌గ‌దీసే స్టెప్పులేస్తూ సిరి హ‌న్మంత్ (Siri Hanmanth) స్టేజ్‌పైకి రాగా..హోస్ట్ నాగార్జున (Nagarjuna) ఆమెకు హౌస్‌లోకి స్వాగ‌తం ప‌లికారు.

ఆ త‌ర్వాత సీత‌మ్మ వాకిట్లో సిరిమ‌ల్లె చెట్టు సినిమాలోని ‘నాకు న‌చ్చిన‌వి రెండే రెండు ఒక‌టి నిద్ర, ఇంకొక‌టి మొగుడు’ అనే డైలాగ్ ను ఐదు మాడ్యులేష‌న్స్ లో చెప్ప‌మ‌ని సిరి హ‌న్మంత్ కు నాగార్జున సూచించాడు. దీంతో సిరి ఐదు ర‌కాలుగా డైలాగ్ చెప్పి బిగ్ బాస్ హౌస్‌లోకి వెళ్లింది. ఈ సారి గ‌తంలో కంటే చాలా కొత్త‌గా, స్పెష‌ల్ గా క‌నిపిస్తోంది బిగ్ బాస్ ఇల్లు. హాలు, డైనింగ్ టేబుల్, బెడ్ రూమ్‌, స్విమ్మింగ్ పూల్ స‌హా ఇత‌ర సౌక‌ర్యాలతో క‌ల‌ర్ ఫుల్ గా క‌నిపిస్తోంది బిగ్ బాస్ హౌజ్‌.

ఇక ఈ సారి సీజన్ 5తో ఐదు రెట్ల వినోదాన్ని అందిస్తానంటున్నాడు బిగ్ బాస్‌. బిగ్ రియాలిటీ షో బిగ్ బాస్ కార్య‌క్ర‌మం తెలుగులో నాలుగు సీజ‌న్స్ పూర్తి చేసుకొని ఐదో సీజ‌న్ లోకి వ‌చ్చేసింది. ఇప్ప‌టికే మేక‌ర్స్ సీజ‌న్ 5కి సంబంధించిన‌ కొత్త ప్రోమో విడుదల చేస్తూ ఈ సారి 5 రెట్ల వినోదం, ఎనర్జీ ఉంటాయని చెప్పారు. బిగ్ బాస్ హౌస్‌ కూడా చూపించ‌డంతో అంద‌రి అంచ‌నాలు మ‌రింత పెంచేశారు మేక‌ర్స్.

సిరి హ‌న్మంత్ ఎవ‌రంటే..?

విశాఖ ప‌ట్నంలోని ప్రాంతీయ న్యూస్ ఛాన‌ల్ లో న్యూస్ రీడ‌ర్ గా ప‌నిచేసింది సిరి హ‌న్మంత్‌. అక్క‌డి నుంచి హైద‌రాబాద్ కు మ‌కాం మార్చి న్యూస్ రీడ‌ర్ గా ప‌నిచేసింది. ఆ త‌ర్వాత సీరియ‌ల్ న‌టించే ఆఫ‌ర్ రావ‌డంతో కెరీర్ మ‌లుపు తిరిగింది. సిరి హ‌న్మంత్ న‌టించిన వెబ్ సిరీస్, షార్ట్ ఫిలింస్ ట్రెండింగ్ లో నిలిచాయి. ఈ న్యూస్ రీడ‌ర్ క‌మ్ యాక్ట‌ర్ బిగ్ బాస్ షోతో ఎలా అల‌రిస్తుందో చూడాలి మ‌రి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి